لاہور۔ 8 جنوری (اے پی پی) وزیراعلیٰ پنجاب مریم نواز شریف صوبے بھر وچ سٹروک سینٹرز قائم کرݨ دی منظوری ݙے ݙتی اے۔ سٹروک/فالج مینجمنٹ پروگرام نال پنجاب دے کہیں وی ضلع وچ فالج دے اٹیک دا وقتی علاج ممکن تھی سڳسی۔ پنجاب دے سارے ضلعی ہسپتالاں وچ مرحلہ وار سٹروک سینٹر بݨسن۔ پہلے مرحلے وچ 30، ول 15 تے چھیکڑ اچ باقی 24 ضلعی ہسپتالاں وچ اے سینٹر بݨائے …
وزیراعلیٰ پنجاب مریم نواز صوبے وچ سٹروک (فالج) سینٹرز قائم کرݨ دی منظوری ݙے ݙتی
لاہور۔ 8 جنوری (اے پی پی) وزیراعلیٰ پنجاب مریم نواز شریف صوبے بھر وچ سٹروک سینٹرز قائم کرݨ دی منظوری ݙے ݙتی اے۔ سٹروک/فالج مینجمنٹ پروگرام نال پنجاب دے کہیں وی ضلع وچ فالج دے اٹیک دا وقتی علاج ممکن تھی سڳسی۔ پنجاب دے سارے ضلعی ہسپتالاں وچ مرحلہ وار سٹروک سینٹر بݨسن۔ پہلے مرحلے وچ 30، ول 15 تے چھیکڑ اچ باقی 24 ضلعی ہسپتالاں وچ اے سینٹر بݨائے ویسن۔وزیراعلیٰ مریم نواز پنجاب دے ہر سرکاری ہسپتال وچ سی ٹی سکین مشین کوں مکمل فنکشنل کرݨ دی ہدایت کیتی۔ اجلاس وچ فیصلہ تھیا جو ہر ڈسٹرکٹ وچ ماہر نیورالوجسٹ تعینات تھیسن۔ وزیراعلیٰ مریم نواز وسط فروری تئیں انجکشن تے ٹریٹمنٹ ٹریننگ دا ہدف مقرر کر ݙتے۔ انھاں آکھیا جو فالج دا اٹیک تھیوݨ تے چار گھنٹے (گولڈن آور) دے اندر ہسپتال پڄݨ نال عمر بھر دی معذوری توں بچیا ونڄ سڳدے۔ وزیراعلیٰ آکھیا جو میݙا ویژن اے جو ہر مریض کوں ایمرجنسی علاج دی سہولت انھاں دے نیڑے ہسپتال وچ ملے۔
