اسلام آباد۔ 9 جنوری (اے پی پی) وزیراعظم محمد شہباز شریف زیادہ خسارے آلے فیڈرز کمیونٹی اتے صوبائی حکومتاں دے تعاون نال شمسی توانائی تے منتقل کرݨ دی ہدایت کیتی جیندے نال خسارے اچ چلݨ آلے فیڈرز دے نقصانات اچ کمی تھیسی تے انھاں علاقیاں اچ بجلی مسلسل میسر تھیسی۔ جمے دے ݙینہہ وزیراعظم آفس دے میڈیا ونگ توں جاری بیان دے مطابق وزیراعظم دی صدارت اچ ملک دے دور …
وزیراعظم شہباز شریف دی زیادہ خسارے آلے فیڈرز شمسی توانائی تے منتقل کرݨ، خیبرپختونخوا تے بلوچستان اچ پائلٹ پراجیکٹ تے کم فوراً شروع کرݨ دی ہدایت
مزید خبراں
اسلام آباد۔ 9 جنوری (اے پی پی) وزیراعظم محمد شہباز شریف زیادہ خسارے آلے فیڈرز کمیونٹی اتے صوبائی حکومتاں دے تعاون نال شمسی توانائی تے منتقل کرݨ دی ہدایت کیتی جیندے نال خسارے اچ چلݨ آلے فیڈرز دے نقصانات اچ کمی تھیسی تے انھاں علاقیاں اچ بجلی مسلسل میسر تھیسی۔ جمے دے ݙینہہ وزیراعظم آفس دے میڈیا ونگ توں جاری بیان دے مطابق وزیراعظم دی صدارت اچ ملک دے دور دراز علاقیاں اچ بجلی دی بلا تعطل فراہمی کیتے سولرائزیشن تے بجلی دے شعبے اچ جاری اصلاحات دے حوالے نال جائزہ اجلاس تھیا جیندے اچ نائب وزیراعظم اسحاق ڈار، وفاقی وزراء تے خیبرپختونخوا و بلوچستان دے چیف سیکرٹریز سودھے اعلیٰ حکام شریک تھئے۔ وزیراعظم ہدایت کیتی جو زیادہ خسارہ کرݨ آلے بجلی دے فیڈرز کمیونٹی تے صوبائی حکومتاں دے تعاون نال شمسی توانائی تے منتقل کیتے ونڄن۔ وزیراعظم پیسکو (PESCO) تے کیسکو (QESCO) دے زیادہ نقصان آلے فیڈرز اچ فوراً پائلٹ پراجیکٹس شروع کرݨ تے انھاں کوں کامیاب بݨاوݨ کیتے علاقے دے منتخب نمائندیاں توں مشورہ تے کمیونٹی دی شرکت یقینی بݨاوݨ دی ہدایت وی کیتی۔ اجلاس کوں ݙسایا ڳیا جو ایں منصوبے نال نہ صرف سستی بجلی پیدا تھیسی بلکہ تقسیم کار کمپنیاں دے خسارے اچ وی نمایاں کمی تھیسی۔ وزیراعظم ہدایت کیتی جو خیبرپختونخوا تے بلوچستان اچ پائلٹ پراجیکٹ تے کم فوراً شروع کیتا ونڄے۔
