اسلام آباد۔ 9 جنوری (اے پی پی) نائب وزیراعظم تے وزیرِخارجہ اسحاق ڈار اتھاں اقتصادی اصلاحات متعلق ہک اجلاس دی صدارت کیتی جیندے وچ پاکستان دی اقتصادی تے ترقیاتی پالیسی سازی وچ پلاننگ کمیشن دے تاریخی تے مرکزی کردار کوں اجاگر کیتا ڳئے۔نائب وزیراعظم دے دفتر توں جاری بیان موجب اسحاق ڈار ایں ڳالھ تے زور ݙتا جو پلاننگ کمیشن کوں بااختیار بݨایا ونڄے تاں جو او سٹریٹجک پالیسی ترجیحات …
نائب وزیراعظم اسحاق ڈار دی زیرِصدارت اقتصادی اصلاحات متعلق اجلاس
مزید خبراں
اسلام آباد۔ 9 جنوری (اے پی پی) نائب وزیراعظم تے وزیرِخارجہ اسحاق ڈار اتھاں اقتصادی اصلاحات متعلق ہک اجلاس دی صدارت کیتی جیندے وچ پاکستان دی اقتصادی تے ترقیاتی پالیسی سازی وچ پلاننگ کمیشن دے تاریخی تے مرکزی کردار کوں اجاگر کیتا ڳئے۔نائب وزیراعظم دے دفتر توں جاری بیان موجب اسحاق ڈار ایں ڳالھ تے زور ݙتا جو پلاننگ کمیشن کوں بااختیار بݨایا ونڄے تاں جو او سٹریٹجک پالیسی ترجیحات دے تعین تے پبلک انویسٹمنٹ دی موثر نگرانی وچ قائدانہ کردار ادا کرسڳے۔ نائب وزیراعظم آکھیا جو پلاننگ کمیشن کوں وزیراعظم دی براہِ راست قیادت وچ ہک اعلیٰ ترین ادارے دے طور تے کم کرݨا چاہیدے جیندے وچ ہک مربوط پالیسی و منصوبہ بندی ونگ تے ہک انڄ ترقیاتی ونگ شامل ہوون۔ انھاں آکھیا جو سارے وݙے اقتصادی فیصلے قومی اقتصادی حکمتِ عملی نال جڑئے ہووݨے چاہیدن تے انھاں کیتے واضح کارکردگی دے اشاریے مقرر کیتے ونڄن تاں جو احتساب، کارکردگی تے حکومتی ہم آہنگی یقینی بݨائی ونڄ سڳے۔ اجلاس وچ وفاقی وزراء خزانہ، منصوبہ بندی، موسمیاتی تبدیلی تے ٻئے سینئر افسراں شرکت کیتی۔
