وزیر داخلہ محسن نقوی دا جی پی او خودکش حملے دے شہداء کوں 18 ویں برسی تے خراجِ عقیدت

اسلام آباد۔ 10 جنوری (اے پی پی) وزیر داخلہ محسن نقوی 10 جنوری 2008 کوں جی پی او خودکش حملے وچ جان دی بازی ہرݨ آلے پولیس اہلکاراں کوں زبردست خراجِ عقیدت پیش کریندے انھاں کوں ’’پنجاب پولیس دے بہادر پتر‘‘ قرار ݙتے جنھاں فرض دی ادائیگی وچ شہادت دا رتبہ پاتا۔سانحے دی 18 ویں برسی دے موقع تے اپݨے پیغام وچ وزیر داخلہ محسن نقوی آکھیا جو لاہور پولیس دے افسراں تے جواناں قوم دی حفاظت کیتے اپݨی قیمتی جاناں دا نذرانہ پیش کیتا تے شہادت دا اعلیٰ ترین اعزاز حاصل کیتا۔ انھاں آکھیا جو شہداء جرات تے عزم دی لازوال نشانی ہن۔ محسن نقوی زور ݙتا جو قوم انھاں ہیروز دے خانداناں دی مقروض اے، ساݙے شہداء ساݙے دلاں وچ رہندن تے ہمیشہ زندہ رہسن، او ساݙے سر دا تاج ہن۔ وفاقی وزیر داخلہ پولیس شہداء دے خانداناں دی کفالت جاری رکھݨ دے حکومتی عزم دا اعادہ وی کیتا۔