اسلام آباد۔ 10 جنوری (اے پی پی) وفاقی وزیر داخلہ محسن نقوی خیبر پختونخوا وچ خوارج عسکریت پسند عناصر دے خلاف ݙو کامیاب آپریشن کرݨ تے سکیورٹی فورسز کوں خراجِ تحسین پیش کیتے، آپریشنز دے نتیجے وچ 11 خوارج جہنم واصل کر ݙتے ڳئن۔ جاری بیان وچ محسن نقوی سکیورٹی فورسز دی پیشہ ورانہ مہارت تے تکھی رفتار کارروائی دی تعریف کریندے آکھیا جو انھاں خوارج دے ناپاک عزائم کوں …
وزیرداخلہ محسن نقوی دا خیبرپختونخوا وچ عسکریت پسنداں دے خلاف کامیاب کارروائیاں تے سکیورٹی فورسز کوں خراجِ تحسین
اسلام آباد۔ 10 جنوری (اے پی پی) وفاقی وزیر داخلہ محسن نقوی خیبر پختونخوا وچ خوارج عسکریت پسند عناصر دے خلاف ݙو کامیاب آپریشن کرݨ تے سکیورٹی فورسز کوں خراجِ تحسین پیش کیتے، آپریشنز دے نتیجے وچ 11 خوارج جہنم واصل کر ݙتے ڳئن۔ جاری بیان وچ محسن نقوی سکیورٹی فورسز دی پیشہ ورانہ مہارت تے تکھی رفتار کارروائی دی تعریف کریندے آکھیا جو انھاں خوارج دے ناپاک عزائم کوں ناکام بݨا ݙتا تے خطے وچ امن دی حفاظت کیتی۔ انھاں آکھیا جو ویلھے تے موثر کارروائیاں عسکریت پسنداں دے خطریں کوں ختم کرݨ کیتے فورسز دے پکے عزم کوں ظاہر کریندن۔ وفاقی وزیر آکھیا جو خوارج کوں مکاوݨ سانڳے اساں سکیورٹی فورسز دی کامیاب کارروائیاں کوں سلام پیش کریندون تے خیبر پختونخوا توں ایں لعنت کوں منڈھوں پٹݨ سانڳے پرعزم ہیسے۔ محسن نقوی ایں ڳالھ دا اعادہ کیتا جو عسکریت پسند عناصر کوں صوبے وچ لکݨ دی کوئی جاہ نہ ملسی تے قوم دی حمایت نال انھاں دا مکمل خاتمہ تھیسی۔
