وفاقی وزیراطلاعات و نشریات عطاء اللہ تارڑ دا سابق صدر نیشنل پریس کلب شکیل انجم دی ذال دے انتقال تے افسوس دا اظہار

اسلام آباد۔ 10 جنوری (اے پی پی) وفاقی وزیر اطلاعات و نشریات عطاء اللہ تارڑ نیشنل پریس کلب دے سابق صدر شکیل انجم دی ذال دے انتقال تے ݙکھ تے افسوس دا اظہار کیتے۔ اپݨے تعزیتی بیان وچ وفاقی وزیراطلاعات سوگواراں نال دلی تعزیت تے ہمدردی دا اظہار کریندے آکھیا جو شکیل انجم دی ذال دے انتقال دی خبر سݨ تے ݙکھ تھئے ، مرحومہ دی وفات لواحقین کیتے ناقابلِ تلافی ضیان اے۔ انھاں آکھیا جو ݙکھے ویلھے او شکیل انجم تے انھاں دے گھر آلیں دے ݙکھ اچ برابر دے شریک ہن۔ انھاں دعا کیتی جو اللہ تعالیٰ مرحومہ کوں اپݨی جوارِ رحمت وچ اعلیٰ مقام ݙیوے تے پسماندگان کوں اے ݙکھ صبر تے حوصلے نال برداشت کرݨ دی توفیق عطا فرماوے۔