وفاقی وزیر داخلہ محسن نقوی دی LY-80 میزائل دے کامیاب تجربے تے پاک بحریہ دے سائنسداناں تے انجینئرز کوں مبارخ

اسلام آباد۔ 10 جنوری (اے پی پی) وفاقی وزیر داخلہ محسن نقوی پاک بحریہ دے سائنسداناں تے انجینئرز کوں LY-80 میزائل دے کامیاب تجربے تے مبارخ ݙتی اے۔اپݨے تہنیتی بیان وچ محسن نقوی آکھیا جو چیف آف ڈیفنس فورسز فیلڈ مارشل جنرل سید عاصم منیر تے نیول چیف ایڈمرل نوید اشرف دی قیادت وچ پاکستان دفاعی میدان وچ ہک ٻیا سنگِ میل پار کیتے۔ انھاں آکھیا جو زمین توں فضا وچ مار کرݨ آلے میزائل دا کامیاب تجربہ دفاعی شعبے وچ ہک اہم موڑ اے۔ انھاں ایں کامیابی تے قوم کوں مبارخ ݙتی۔ وزیرداخلہ آکھیا جو پاک بحریہ دے سائنسداناں تے انجینئرز ہک غیر معمولی کارنامہ انجام ݙتے۔ انھاں آکھیا جو میزائل دا کامیاب تجربہ پاکستان دی سمندری سرحداں دے دفاع کوں مضبوط بݨاوݨ دے پاسے ہک قابلِ اعتماد قدم اے۔