کہیں خودمختار ریاست دے لازمی حصے کوں تسلیم کرݨ کوئی سفارتی عمل کائنی بلکہ سیاسی جارحیت اے، ، نائب وزیراعظم محمد اسحاق ڈار

جدہ۔ 11 جنوری (اے پی پی) نائب وزیراعظم تے وزیرخارجہ محمد اسحاق ڈار وفاقی جمہوریہ صومالیہ دی خودمختاری، وحدت تے علاقائی سالمیت کیتے پاکستان دی پکی حمایت دا اعادہ کیتے تے ’’صومالی لینڈ‘‘ کوں اسرائیل ولوں غیر قانونی طور تے تسلیم کیتے ونڄݨ دی سخت مذمت کریندے آکھیے جو کہیں خودمختار ریاست دے لازمی حصے کوں تسلیم کرݨ کوئی سفارتی عمل کائنی بلکہ ہک سیاسی جارحیت اے۔ اسرائیلی اقدام صومالیہ دی بین الاقوامی طور تے تسلیم شدہ سرحداں تے براہِ راست حملہ اے، بین الاقوامی برادری ہک آواز تھی تے صومالیہ دی خودمختاری کوں ضیان پڄاوݨ آلے سارے اقدامات کوں مسترد کرے۔اتھاں او آئی سی (OIC) دے وزراء خارجہ دی کونسل دے غیر معمولی اجلاس نال خطاب کریندے اسحاق ڈار آکھیا جو ساریں توں پہلے میں ترکیہ، سعودی عرب تے بھرا ملک صومالیہ دا شکریہ ادا کرینداں جو انھاں اسرائیل دے ایں غیر قانونی اقدام تے غور کرݨ کیتے اے اجلاس وقتی سݙوایا۔ انھاں آکھیا جو پاکستان اقوامِ متحدہ دی سلامتی کونسل وچ وی صومالیہ دی بھرپور حمایت کیتی اے، صومالی لینڈ دا علاقہ صومالیہ دا ہک لازمی تے ناقابلِ تقسیم حصہ اے، کہیں وی ٻاہرلے فریق کوں ایں حقیقت کوں بدلݨ دا نہ قانونی حق اے تے نہ اخلاقی جواز۔ انھاں آکھیا جو جموں و کشمیر دا مسئلہ جنوبی ایشیا وچ جھیڑے دی اصل وجہ اے، اقوامِ متحدہ دی نگرانی وچ ایں جھیڑے دے منصفانہ حل کیتے فوری کوششاں دی لوڑھ اے ۔ اسحاق ڈار آکھیا جو پائیدار امن دا واحد رستہ 1967ء توں پہلے دی سرحداں دی بنیاد تے ہک آزاد فلسطینی ریاست دا قیام اے جیندے دارالحکومت القدس الشریف ہووے