جدہ۔ 11 جنوری(اے پی پی) نائب وزیراعظم تے وزیرِخارجہ سینیٹر محمد اسحاق ڈار اسرائیل ولوں نام نہاد ’صومالی لینڈ‘ کوں تسلیم کرݨ دے اقدام کوں غیر قانونی تے بین الاقوامی قانون دے خلاف قرار ݙیندے صومالیہ دی خودمختاری تے علاقائی سالمیت کیتے پاکستان دی مکمل حمایت دا اعادہ کیتا۔اتوار کوں وزارتِ خارجہ توں جاری بیان موجب او آئی سی کونسل آف وزرائے خارجہ دے 22 ویں غیر معمولی اجلاس نال …
نائب وزیراعظم محمد اسحاق ڈار دا صومالیہ دی خودمختاری تے علاقائی سالمیت کیتے پاکستان دی مکمل حمایت دا اعادہ
مزید خبراں
جدہ۔ 11 جنوری(اے پی پی) نائب وزیراعظم تے وزیرِخارجہ سینیٹر محمد اسحاق ڈار اسرائیل ولوں نام نہاد ’صومالی لینڈ‘ کوں تسلیم کرݨ دے اقدام کوں غیر قانونی تے بین الاقوامی قانون دے خلاف قرار ݙیندے صومالیہ دی خودمختاری تے علاقائی سالمیت کیتے پاکستان دی مکمل حمایت دا اعادہ کیتا۔اتوار کوں وزارتِ خارجہ توں جاری بیان موجب او آئی سی کونسل آف وزرائے خارجہ دے 22 ویں غیر معمولی اجلاس نال خطاب کریندے نائب وزیراعظم تے وزیرِخارجہ اسرائیل ولوں نام نہاد ’صومالی لینڈ‘ کوں تسلیم کرݨ دے اقدام کوں غیر قانونی تے بین الاقوامی قانون دے منافی قرار ݙیندے مسترد کیتا تے صومالیہ دی خودمختاری تے علاقائی سالمیت کیتے پاکستان دی مکمل حمایت دا اعادہ کیتا۔ انھاں آکھیا جو اے اقدام ہک خطرناک مثال بݨدا پئے جیندے افریقہ تے ایندے توں ٻاہر امن و سلامتی تے سنگین اثرات پئے سڳدن۔ انھاں فلسطینی کاز کیتے پاکستان دے پکے عزم کوں ظاہر کریندے 1967ء توں پہلے دی سرحداں دی بنیاد تے ہک آزاد تے خودمختار ریاستِ فلسطین دے قیام دی حمایت دا اعادہ کیتا جیندے دارالحکومت القدس الشریف ہووے۔ نائب وزیراعظم تے وزیرخارجہ محمد اسحاق ڈار او آئی سی تے زور ݙتا جو او جموں و کشمیر دے معاملے تے اپݨی کوششاں تکھا کرے تے کشمیری عوام دے حقِ خودارادیت کوں اقوامِ متحدہ دی سلامتی کونسل دی قرارداداں موجب یقینی بݨاوݨ دا مطالبہ کیتا۔
