اسلام آباد۔ 11 جنوری(اے پی پی) وفاقی وزیرریلوے محمد حنیف عباسی ملک دی فلاح و بہبود تے ذاتی اقتدار کوں ترجیح ݙیوݨ تے پی ٹی آئی تے تنقید کریندے آکھیے جو پی ٹی آئی دی صوبائی حکومت خیبرپختونخوا دے رہائشیاں دی جان، مال تے عزت کوں غیر محفوظ چھوڑ ݙتے۔اپݨے ہک انٹرویو اچ وفاقی وزیر خیبرپختونخوا حکومت تے عوام دے تحفظ وچ ناکامی تے صوبے وچ دہشت گرداں کوں سہولت …
خیبرپختونخوا انتظامیہ کوں سیاسی ایجنڈیں توں زیادہ لوکاں دے تحفظ، سلامتی، تعلیم، صحت تے بہبود کوں ترجیح ݙیوݨی چاہیدی اے، وفاقی وزیر محمد حنیف عباسی
اسلام آباد۔ 11 جنوری(اے پی پی) وفاقی وزیرریلوے محمد حنیف عباسی ملک دی فلاح و بہبود تے ذاتی اقتدار کوں ترجیح ݙیوݨ تے پی ٹی آئی تے تنقید کریندے آکھیے جو پی ٹی آئی دی صوبائی حکومت خیبرپختونخوا دے رہائشیاں دی جان، مال تے عزت کوں غیر محفوظ چھوڑ ݙتے۔اپݨے ہک انٹرویو اچ وفاقی وزیر خیبرپختونخوا حکومت تے عوام دے تحفظ وچ ناکامی تے صوبے وچ دہشت گرداں کوں سہولت ݙیوݨ دا الزام لاتا۔ انھاں آکھیا جو کے پی دے لوک غیر محفوظ ہن، انھاں دی جان، مال تے عزت غیر محفوظ اے جیڑھی جو صوبائی حکومت دی بنیادی ذمہ واری اے۔ حنیف عباسی نے وزیراعلیٰ کے پی کوں تنقید دا نشانہ بݨایا جو او عوامی فلاح تے ترقی تے توجہ ݙیوݨ دی بجائے سیاسی معاملیں کیتے اکثر ٻئے صوبیں دے دورے کریندے رہندن تے اپݨی پارٹی قیادت دے مفادات کوں ترجیح ݙیندن۔ انھاں خبردار کیتا جو شہری مسلسل نظر اندازی برداشت نی کرسڳدے۔ انھاں ایں ڳالھ تے زور ݙتا جو صوبائی انتظامیہ کوں سیاسی ایجنڈیں توں زیادہ لوکاں دے تحفظ، سلامتی، تعلیم، صحت تے بہبود کوں ترجیح ݙیوݨی چاہیدی اے۔
