اسلام آباد۔ 11 جنوری(اے پی پی )سپیکر قومی اسمبلی سردار ایاز صادق سیکٹر جی-7 اسلام آباد وچ گیس سلنڈر دھماکے دے افسوسناک واقعے تے ٻہوں ݙکھ تے افسوس دا اظہار کریندے آکھیے جو شادی دے موقع تے گیس سلنڈر دھماکے وچ قیمتی انسانی جاناں دے ضیان دی خبر سݨ تے دل ٻہوں ݙکھی اے۔قومی اسمبلی سیکرٹریٹ توں جاری بیان وچ سپیکر سردار ایاز صادق واقعے وچ فوت تھیوݨ آلے …
سپیکرقومی اسمبلی سردار ایاز صادق دا گیس سلنڈر دھماکے دے افسوسناک واقعے تے اظہارِ افسوس
اسلام آباد۔ 11 جنوری(اے پی پی )سپیکر قومی اسمبلی سردار ایاز صادق سیکٹر جی-7 اسلام آباد وچ گیس سلنڈر دھماکے دے افسوسناک واقعے تے ٻہوں ݙکھ تے افسوس دا اظہار کریندے آکھیے جو شادی دے موقع تے گیس سلنڈر دھماکے وچ قیمتی انسانی جاناں دے ضیان دی خبر سݨ تے دل ٻہوں ݙکھی اے۔قومی اسمبلی سیکرٹریٹ توں جاری بیان وچ سپیکر سردار ایاز صادق واقعے وچ فوت تھیوݨ آلے لوکاں دے گھر آلیں نال دلی تعزیت تے ہمدردی دا اظہار کیتا تے آکھیا جو ݙکھے ویلھے اساں متاثرہ خانداناں دے نال کھڑوں ۔ سردار ایاز صادق آکھیا جو گیس سلنڈر دھماکیں دے ودھدے واقعات ٻہوں تشویشناک ہن۔ انھاں گیس سلنڈرز دے غیرمحفوظ استعمال دے خلاف سخت اقدامات کرݨ دی لوڑھ تے زورݙتا تے ہدایت کیتی جو متعلقہ ادارے حفاظتی ضابطیں تے سختی نال عملدرآمد یقینی بݨاون۔ سپیکرقومی اسمبلی پسماندگان کیتے صبرِ جمیل دی دعا وی کیتی۔
