سمندر پار پاکستانیاں دا پراپیگنڈے کوں مسترد کرتے وطن دی تعمیر و ترقی کیتے ترسیلاتِ زر بھیجݨ انھاں دی اپݨے ملک نال محبت دی اعلیٰ مثال اے، وزیراعظم شہباز شریف

لاہور۔ 11 جنوری (اے پی پی) وزیراعظم محمد شہباز شریف دسمبر 2025 وچ پچھلے سال دے مقابلے ریکارڈ ترسیلاتِ زر بھیجݨ تے سمندر پار رہݨ آلے پاکستانیاں دا شکریہ ادا کریندے آکھیے جو سمندر پار پاکستانیاں دا پراپیگنڈے کوں مسترد کرتے وطن دی تعمیر و ترقی کیتے ترسیلاتِ زر بھیجݨ انھاں دی اپݨے ملک نال محبت دی اعلیٰ مثال اے۔وزیراعظم دفتر توں جاری بیان موجب وزیراعظم آکھیا جو دسمبر 2025 وچ محبِ وطن سمندر پار پاکستانیاں 3.6 ارب ڈالر بھیڄن جنھاں تے اساں انھاں دے مشکور ہیسے، ترسیلاتِ زر وچ پچھلے سال دے مقابلے 16.5 فیصد ودھارا حکومتی پالیسیاں تے انھاں دے اعتماد دا مظہر اے۔ وزیراعظم آکھیا جو سمندر پار پاکستانی ساݙا قیمتی سرمایہ ہن، میکوں تے پوری قوم کوں انھاں تے ماݨ اے، انھاں دی بھلائی کیتے اقدامات حکومت دی اولین ترجیحات وچ شامل ہن۔