اسلام آباد۔ 12 جنوری (اے پی پی) وفاقی وزیر بحری امور محمد جنید انوار چوہدری پورٹ قاسم کیتے ہک جامع ماسٹر پلان دے تحت پورٹ انڈسٹریل کمپلیکس کوں تیار کرݨ دے طویل المدتی وژن دا خاکہ پیش کیتے جیندے وچ موسمیاتی لچک تے سخت ماحولیاتی اصولاں تے زور ݙتا ڳئے۔وزارت توں جاری پریس ریلیز موجب اجلاس دی صدارت کریندے وفاقی وزیر آکھیا جو پورٹ قاسم کوں عالمی سطح تے صنعتی …
وفاقی وزیر بحری امور محمد جنید انوار چوہدری دی صدارت وچ پورٹ انڈسٹریل کمپلیکس دے وژن دا اجلاس
اسلام آباد۔ 12 جنوری (اے پی پی) وفاقی وزیر بحری امور محمد جنید انوار چوہدری پورٹ قاسم کیتے ہک جامع ماسٹر پلان دے تحت پورٹ انڈسٹریل کمپلیکس کوں تیار کرݨ دے طویل المدتی وژن دا خاکہ پیش کیتے جیندے وچ موسمیاتی لچک تے سخت ماحولیاتی اصولاں تے زور ݙتا ڳئے۔وزارت توں جاری پریس ریلیز موجب اجلاس دی صدارت کریندے وفاقی وزیر آکھیا جو پورٹ قاسم کوں عالمی سطح تے صنعتی مرکز بݨاوݨ کیتے ڈیزائن کیتا ڳئے جیڑھا پاکستان دی تجارتی توسیع تے بلیو اکانومی دے مقصد نال میل کھاندے۔ جنید انوار چوہدری آکھیا جو پورٹ قاسم دا صنعتی مرکز آوݨ آلے وِیہہ سالاں وچ ارباں ڈالر دے معاشی اثرات پیدا کر سڳدے تے لکھاں نوکریاں پیدا کریسی۔ انھاں آکھیا جو اے ماسٹر پلان 14,590 ایکڑ توں زیادہ رقبے تے محیط اے تے ایکوں ترائے زونز (نارتھ ویسٹرن، ایسٹرن تے ساؤتھ ویسٹرن) وچ ونڈیا ڳئے تاں جو صنعتی ترقی کوں متوازن رکھیا ونڄے۔ وفاقی وزیر آکھیا جو پورٹ قاسم صرف ہک سمندری سہولت کائنی بلکہ ہک زندہ صنعتی نظام اے جیڑھا مسلسل ترقی کریندا پئے۔ حکومت کاروبار وچ سوکھ تے انفراسٹرکچر ودھاوݨ تے توجہ ݙتی ہوئی اے۔
