اسلام آباد۔ 12 جنوری(اے پی پی) جوڈیشل کمیشن آف پاکستان دا اجلاس سپریم کورٹ آف پاکستان دے کانفرنس روم وچ تھیا۔ سپریم کورٹ دے شعبہ تعلقاتِ عامہ موجب اجلاس دی صدارت چیف جسٹس آف پاکستان جسٹس یحییٰ آفریدی بطور چیئرمین کیتی۔اجلاس وچ اہم پالیسی معاملیں تے غور کیتا ڳیا جݙاں جو بلوچستان ہائی کورٹ تے اسلام آباد ہائی کورٹ دے ایڈیشنل ججز دی مستقلی بارے سفارشات وی کیتیاں ڳئیاں۔ تفصیلی …
چیف جسٹس آف پاکستان دی صدارت وچ جوڈیشل کمیشن آف پاکستان دا اجلاس
اسلام آباد۔ 12 جنوری(اے پی پی) جوڈیشل کمیشن آف پاکستان دا اجلاس سپریم کورٹ آف پاکستان دے کانفرنس روم وچ تھیا۔ سپریم کورٹ دے شعبہ تعلقاتِ عامہ موجب اجلاس دی صدارت چیف جسٹس آف پاکستان جسٹس یحییٰ آفریدی بطور چیئرمین کیتی۔اجلاس وچ اہم پالیسی معاملیں تے غور کیتا ڳیا جݙاں جو بلوچستان ہائی کورٹ تے اسلام آباد ہائی کورٹ دے ایڈیشنل ججز دی مستقلی بارے سفارشات وی کیتیاں ڳئیاں۔ تفصیلی مشورے دے بعد کمیشن متعلقہ کمیٹی کوں اختیار ݙتا جو او ججز دے انٹرویوز دے طریقے تے قواعد وچ ترمیم دی سفارشات تیار کرے۔ اجلاس دے دوران کمیشن اکثریت دی رائے نال اسلام آباد ہائی کورٹ دے ایڈیشنل ججز جسٹس محمد اعظم خان، جسٹس محمد آصف تے جسٹس انعام امین منہاس کوں مستقل جج بݨاوݨ دی سفارش کیتی۔ ایویں اتفاقِ رائے نال بلوچستان ہائی کورٹ دے جسٹس نجم الدین مینگل کوں وی مستقل جج بݨاوݨ دی سفارش کیتی ڳئی، پر اکثریتی فیصلے دے تحت جسٹس ایوب خان دی مستقلی دی سفارش نی کیتی ڳئی۔
