لعل عیسن: گھر اچ بھاہ لڳݨ نال 3 معصوم ٻالڑیاں سڑ تے جاں بحق

مظفر گڑھ/ لیہ۔ 13 جنوری (اے پی پی) لیہ دی تحصیل کروڑ لعل عیسن دی وستی بصیرا اچ گھر دے اندر لکڑیاں دے بݨے کمرے اچ بھاہ لڳݨ دے المناک واقعے اچ شارٹ سرکٹ پاروں 3 معصوم ٻالڑیاں سڑ تے فوت تھی ڳیاں۔ ریسکیو ذرائع دے مطابق فوت تھیوݨ آلیاں اچ 3 سالہ عروج فاطمہ، 7 سالہ جویریہ بتول تے ڈیݙھ سالہ دعا فاطمہ شامل ہن۔ فائر بریگیڈ موقع تے پڄ تے بھاہ تے قابو پا گھدا، کولنگ دا عمل جاری اے۔ ریسکیو 1122 دی ٹیم ٻالڑیاں دی میتاں کوں تحصیل ہیڈ کوارٹر ہسپتال کروڑ لعل عیسن منتقل کر ݙتے۔ ریسکیو دے مطابق بھاہ گھر دے اتے توں گزردی ہوئی میٹر دی بجلی دی تار اچ سپارکنگ دی وجہ توں لڳی ہئی۔