اسلام آباد/ راولپنڈی۔ 13 جنوری (اے پی پی) وفاقی وزیر برائے قومی ورثہ و ثقافت اورنگزیب خان کھچی گورنمنٹ گریجویٹ کالج اصغر مال راولپنڈی کوں پاکستان دا قومی ورثہ قرار ݙیوݨ دا اعلان کریندیں ہوئیں آکھیے جو جلدی ایں تاریخی تعلیمی ادارے اچ ہک باقاعدہ تقریب منعقد کیتی ویسے جیندے اچ اینکوں قومی ورثے دا درجہ ݙتا ویسے۔ منگل کوں وزارتِ قومی ورثہ ولوں جاری بیان دے مطابق کالج اچ …
وفاقی وزیر اورنگزیب خان کھچی دا گورنمنٹ گریجویٹ کالج اصغر مال راولپنڈی کوں قومی ورثہ قرار ݙیوݨ دا اعلان
اسلام آباد/ راولپنڈی۔ 13 جنوری (اے پی پی) وفاقی وزیر برائے قومی ورثہ و ثقافت اورنگزیب خان کھچی گورنمنٹ گریجویٹ کالج اصغر مال راولپنڈی کوں پاکستان دا قومی ورثہ قرار ݙیوݨ دا اعلان کریندیں ہوئیں آکھیے جو جلدی ایں تاریخی تعلیمی ادارے اچ ہک باقاعدہ تقریب منعقد کیتی ویسے جیندے اچ اینکوں قومی ورثے دا درجہ ݙتا ویسے۔ منگل کوں وزارتِ قومی ورثہ ولوں جاری بیان دے مطابق کالج اچ تھئی تقریب نال خطاب کریندیں ہوئیں وفاقی وزیر آکھیا جو اے کالج صرف ہک تعلیمی عمارت کائنی بلکہ علم، شعور، کردار تے قومی تاریخ دا ہک زندہ استعارہ اے۔ انھاں طالب علماں کوں قوم دا مستقبل تے ملک دے روشن ستارے قرار ݙیندیں ہوئیں آکھیا جو قائداعظم محمد علی جناحؒ قیامِ پاکستان دے ویلھے طالب علماں کوں تعلیم تے زور ݙیوݨ دی تلقین کیتی ہئی تے اج وی ایہو سنیھا ݙتا ویندا پئے جو نینگر علم تے کردار کوں اپݨا شعار بݨاون۔ وفاقی وزیر یقین ݙوایا جو کالج وزارت دے ماتحت پلیٹ فارمز کوں مفت استعمال کر سڳدے تانجو تعلیمی تے ثقافتی سرگرمیاں کوں ودھایا ونڄ سڳے۔ انھاں استاداں کوں خراجِ تحسین پیش کیتا۔ ایں موقع تے پرنسپل پروفیسر ڈاکٹر تنویر احمد خان کھچی ݙسایا جو کالج اچ آثارِ قدیمہ (آرکیالوجی) دی کلاساں شروع کر ݙتی ڳئن جیہڑا کہیں وی کالج اچ پہلا قدم اے۔ ڈی جی امان اللہ خان وی وفاقی وزیر دے نال ہن۔
