پی سی بی آسٹریلیا دے دورہِ پاکستان دی تصدیق کر ݙتی

لاہور۔ 14 جنوری (اے پی پی) پاکستان کرکٹ بورڈ (پی سی بی) جنوری 2026 اچ آسٹریلیا دے دورہِ پاکستان دی تصدیق کر ݙتی اے، جیندے تحت ݙوہیں ٹیماں وچال 3 ٹی ٹونٹی میچاں دی سیریز قذافی سٹیڈیم لاہور اچ تھیسی۔ آسٹریلوی ٹی 20 سکواڈ بدھ 28 جنوری کوں لاہور پڄسی۔ اے سیریز آندے مہینے تھیوݨ آلے آئی سی سی ٹی ٹونٹی ورلڈ کپ 2026 توں پہلے ݙوہیں ٹیماں کیتے ٻہوں اہم اے۔ پی سی بی دے چیف آپریٹنگ آفیسر سید سمیر احمد دے مطابق اے سیریز شائقین کیتے سال دا شاندار آغاز ثابت تھیسی۔ شیڈول دے مطابق پہلا میچ خمیس 29 جنوری، ݙوجھا ہفتہ 31 جنوری تے تریجھا اتوار یکم فروری کوں کھیڈیا ویسے۔