اسلام آباد۔ 14 جنوری (اے پی پی) وفاقی وزیر برائے قومی ورثہ و ثقافت اورنگزیب خان کھچی نال جمہوریہ کرغزستان دے سفیر کیلیچ بیک سلطان بدھ دے ݙینہہ ملاقات کیتی جیندے اچ ݙو پاسہ ثقافتی تعاون تے عوامی روابط دے فروغ تے ڳالھ مہاڑ کیتی ڳئی۔ ملاقات نیشنل ہیریٹیج اینڈ کلچر ڈویژن اچ تھئی جتھاں وفاقی وزیر تے سیکرٹری نے کرغز سفیر دا پرتپاک استقبال کیتا۔ ملاقات اچ وفاقی وزیر …
وفاقی وزیر قومی ورثہ تے ثقافت اورنگزیب خان کھچی نال جمہوریہ کرغزستان دے سفیر کیلیچ بیک سلطان دی ملاقات، ݙو پاسہ ثقافتی تعاون تے عوامی روابط دے فروغ تے ڳالھ مہاڑ
اسلام آباد۔ 14 جنوری (اے پی پی) وفاقی وزیر برائے قومی ورثہ و ثقافت اورنگزیب خان کھچی نال جمہوریہ کرغزستان دے سفیر کیلیچ بیک سلطان بدھ دے ݙینہہ ملاقات کیتی جیندے اچ ݙو پاسہ ثقافتی تعاون تے عوامی روابط دے فروغ تے ڳالھ مہاڑ کیتی ڳئی۔ ملاقات نیشنل ہیریٹیج اینڈ کلچر ڈویژن اچ تھئی جتھاں وفاقی وزیر تے سیکرٹری نے کرغز سفیر دا پرتپاک استقبال کیتا۔ ملاقات اچ وفاقی وزیر اورنگزیب خان کھچی کرغزستان دے صدر تے وزیراعظم پاکستان دے اڄوکے اجلاس دا حوالہ ݙتا۔ سفیر کوں ݙسایا ڳیا جو وزیراعظم شہباز شریف تے وزارتِ خارجہ دی ہدایات تے اسلام آباد اچ مارچ 2026 دے چھیکڑی ہفتے اچ “کرغز کلچرل ڈیز” کرݨ دا منصوبہ اے۔ انھاں تقریباں اچ کرغز دستکاری، کھاݨے، روایتی لباس، آرٹ، موسیقی تے رقص شامل تھیسن۔ پاکستان نوروز دی تقریباں وی منعقد کرݨ دا ارادہ رکھیندے۔ کرغز سفیر آکھیا جو او ایں ماہ دے چھیکڑ تئیں شرکت دی تصدیق کریسن۔ سمرین زہرا جوائنٹ سیکرٹری کوں پاکستانی ولوں فوکل پرسن مقرر کیتا ڳئے۔
