اسلام آباد۔ 14 جنوری (اے پی پی)نائب وزیر اعظم اتے وزیر خارجہ سینیٹر محمد اسحاق ڈار دی صدارت اچ اسلام آباد اچ 300 طلباء تے مشتمل سینٹر آف ایکسی لینس فار آٹزم دے قیام دے حوالے نال ایڈوائزری بورڈ دا پہلا اجلاس تھیا جیندے اچ خصوصی طرزِ تعمیر، سٹافنگ، انسانی وسائل دے فریم ورک تے سروس ڈیزائن دے حوالے نال تفصیلی ڳالھ کیتی ڳئی۔ نائب وزیراعظم آفس توں جاری بیان …
نائب وزیر اعظم محمد اسحاق ڈار دی صدارت اجلاس، اسلام آباد اچ سینٹر آف ایکسی لینس فار آٹزم دے قیام دا جائزہ گھدا
اسلام آباد۔ 14 جنوری (اے پی پی)نائب وزیر اعظم اتے وزیر خارجہ سینیٹر محمد اسحاق ڈار دی صدارت اچ اسلام آباد اچ 300 طلباء تے مشتمل سینٹر آف ایکسی لینس فار آٹزم دے قیام دے حوالے نال ایڈوائزری بورڈ دا پہلا اجلاس تھیا جیندے اچ خصوصی طرزِ تعمیر، سٹافنگ، انسانی وسائل دے فریم ورک تے سروس ڈیزائن دے حوالے نال تفصیلی ڳالھ کیتی ڳئی۔ نائب وزیراعظم آفس توں جاری بیان دے مطابق ایں منصوبے دا مقصد ٻالاں تے انھاں دے خانداناں کوں عالمی معیار دی نگہداشت، شمولیت تے معاونت فراہم کرݨ اے۔ کمیٹی وزیراعظم دی ہدایات دے مطابق ہک سال دے اندر سینٹر دی تکمیل کیتے ٹائم لائنز دا جائزہ گھدے۔ اجلاس اچ آٹزم دی ݙیکھ بھال اچ عملی تجربہ رکھݨ آلے تربیت یافتہ ماہرین تے پیشہ ور افراد دی تعیناتی تے خصوصی زور ݙتا ڳیا۔ نائب وزیر اعظم ہک جامع تے قومی سطح دے طریقہ کار دی توثیق کیتی جیندے اچ ٻالاں نال کم کرݨ آلے افراد دی پس منظر دی جانچ، منظم تعلیمی ٹولز تے ابتدائی تشخیص کیتے شواہد تے مبنی طریقہ کار شامل ہووے۔ انھاں عالمی سطح دے معروف مراکز نال رابطہ قائم کر تے بہترین عالمی تجربات تے معیار اپناوݨ دی لوڑھ تے وی زور ݙتے۔ اجلاس اچ معاون خصوصی برائے وزیر اعظم طارق باجوہ، سیکرٹری صحت، سپیشل سیکرٹری خزانہ، وزارتِ تعلیم تے وزارتِ خارجہ دے سینئر حکام تے متعلقہ شعبے دے ماہرین وی شرکت کیتی۔
