سونے دی فی تولہ قیمت وچ 4300 روپے ودھارا

اسلام آباد۔ 14 جنوری (اے پی پی) ملک وچ سونے دی قیمت وچ 4,300 روپے ودھارے دے نال فی تولہ سونا 4 لکھ 86 ہزار 1 سو 62 روپے دا تھی ڳئے۔ آل پاکستان جیمز اینڈ جیولرز ایسوسی ایشن موجب سونے دی فی تولہ قیمت وچ 4,300 روپے ودھارے دے بعد فی تولہ سونا 4 لکھ 86 ہزار 1 سو 62 روپے دا تھی ڳئے۔24قیراط سونے دے 10 گرام دی قیمت وی 3,687 روپے ودھارے دے بعد 413,118 روپے توں ودھ کرائیں 416,805 روپے تھی ڳئی اے، جݙاں جو 10 گرام 22 قیراط سونے دی قیمت 378,705 روپے توں ودھ کرائیں 382,085 روپے تھی ڳئی اے۔ آل سندھ صرافہ جیولرز ایسوسی ایشن رپورٹ کیتی اے جو فی تولہ چاندی دی قیمت 500 روپے ودھارے دے بعد 9,575 تے ݙاہ گرام چاندی دی قیمت 429 روپے ودھارے دے بعد 8,209 روپے تھی ڳئی اے۔ ایسوسی ایشن رپورٹ کیتی اے جو بین الاقوامی مارکیٹ وچ سونے دی قیمت 4,595 ڈالر توں ودھ کرائیں 4,638 ڈالر تھی ڳئی اے۔