اسلام آباد۔ 14 جنوری(اے پی پی) وفاقی کابینہ کرنسی نوٹاں دے نویں ڈیزائن تے غور کیتے کابینہ کمیٹی ٻݨا ݙتی اے۔ منگل کوں وزیراعظم آفس توں جاری بیان دے مطابق وزیراعظم محمد شہباز شریف دی صدارت اچ وفاقی کابینہ دا اجلاس تھیا۔ وفاقی کابینہ کوں وزارتِ خزانہ ولوں سٹیٹ بینک توں جاری تھیوݨ والے بینک نوٹاں دے نویں ڈیزائن بارے بریفنگ ݙتی ڳئی۔ اجلاس کوں ݙسایا ڳیا جو نویں کرنسی …
وفاقی کابینہ کرنسی نوٹاں دے نویں ڈیزائن تے غور کیتے کابینہ کمیٹی ٻݨا ݙتی
اسلام آباد۔ 14 جنوری(اے پی پی) وفاقی کابینہ کرنسی نوٹاں دے نویں ڈیزائن تے غور کیتے کابینہ کمیٹی ٻݨا ݙتی اے۔ منگل کوں وزیراعظم آفس توں جاری بیان دے مطابق وزیراعظم محمد شہباز شریف دی صدارت اچ وفاقی کابینہ دا اجلاس تھیا۔ وفاقی کابینہ کوں وزارتِ خزانہ ولوں سٹیٹ بینک توں جاری تھیوݨ والے بینک نوٹاں دے نویں ڈیزائن بارے بریفنگ ݙتی ڳئی۔ اجلاس کوں ݙسایا ڳیا جو نویں کرنسی نوٹاں کوں جدید تقاضیاں دے مطابق ڈیزائن کیتا ویندا پئے اتے ایں سانڳے بین الاقوامی ماہرین دی خدمات ڳھدیاں ڳن۔ وفاقی کابینہ پرائیویٹ حج پالیسی 2027-2030 دے مسودے کوں مزید غور کیتے حج پالیسی کمیٹی کوں بھیڄݨ دی ہدایت کر ݙتی۔ ایندے علاوہ کابینہ اقتصادی رابطہ کمیٹی (ECC) اتے کابینہ کمیٹی برائے توانائی دے پہلے تھیوݨ آلے فیصلیاں دی وی توثیق کر ݙتی۔
