اسلام آباد۔ 14 جنوری(اے پی پی) وزیراعظم محمد شہباز شریف اتے قطر دے امیر شیخ تمیم بن حمد الثانی پاکستان اتے قطر وچال برادرانہ تعلقات ٻئے تکڑے کرݨ دا کٹھا عزم دوہرائے اتے مشرقِ وسطیٰ دی اڄوکی پیش رفت تے الایا۔ وزیراعظم محمد شہباز شریف کوں قطر دے امیر شیخ تمیم بن حمد الثانی ٹیلی فون کیتا۔ ݙوہاں رہنماواں پاکستان اتے قطر وچال ݙو طرفہ تعلقات دی موجودہ رفتار تے …
وزیراعظم محمد شہباز شریف نال قطر دے امیر شیخ تمیم بن حمد الثانی دا ٹیلی فونک رابطہ
اسلام آباد۔ 14 جنوری(اے پی پی) وزیراعظم محمد شہباز شریف اتے قطر دے امیر شیخ تمیم بن حمد الثانی پاکستان اتے قطر وچال برادرانہ تعلقات ٻئے تکڑے کرݨ دا کٹھا عزم دوہرائے اتے مشرقِ وسطیٰ دی اڄوکی پیش رفت تے الایا۔ وزیراعظم محمد شہباز شریف کوں قطر دے امیر شیخ تمیم بن حمد الثانی ٹیلی فون کیتا۔ ݙوہاں رہنماواں پاکستان اتے قطر وچال ݙو طرفہ تعلقات دی موجودہ رفتار تے اطمینان کیتے۔ انہاں برادرانہ تعلقات ٻئے تکڑے بݨاوݨ دا مشترکہ عزم دہرایا اتے مشرقِ وسطیٰ دی حالیہ صورتحال تے وی ڳالھ مہاڑ کیتی۔ وزیراعظم خطے اچ امن، مذاکرات اتے ثالثی دے ودھارے اچ قطر دے تعمیری اتے فعال کردار کوں سراہیا اتے سفارتی حل دے ذریعے کشیدگی کوں گھٹ کرݨ کیتے قطر دی بامعنی کوششاں منیاں۔ انھاں قطری قیادت کوں یقین ݙیوایا جو پاکستان وی علاقائی امن اتے استحکام کیتے اپݨا مثبت کردار ادا کریندا رہسی۔ ݙوہاں رہنماواں آوݨ والے ݙینہاں اچ ہک ٻئے نال قریبی رابطے اچ رہݨ تے اتفاق کیتا۔
