عالمی پاسپورٹ رینکنگ اچ پاکستان دی 28 درجے بہتری ٻہوں وݙی کامیابی اے، وفاقی وزیر داخلہ محسن نقوی

اسلام آباد۔ 15 جنوری (اے پی پی) وفاقی وزیر داخلہ محسن نقوی پاکستانی پاسپورٹ دی عالمی درجہ بندی اچ نمایاں بہتری کوں ملک کیتے ہک ٻہوں وݙی کامیابی قرار ݙتے۔ سماجی رابطے دی ویب سائٹ “ایکس” تے اپݨے ہک بیان اچ انھاں ݙسایا جو پاکستانی پاسپورٹ دی رینکنگ 126 ویں توں بہتر تھی تے 98 ویں پوزیشن تے آ ڳئی اے۔ محسن نقوی آپݨی پوسٹ اچ لکھیا جو پاکستانی پاسپورٹ دی رینکنگ دا 126 توں 98 ویں نمبر تے آوݨ ہک مضبوط کامیابی اے۔ انشاء اللہ، بہتری دا اے پندھ اینویں تسلسل نال جاری رہسی۔