اسلام آباد۔ 15 جنوری (اے پی پی) نیشنل ڈیزاسٹر مینجمنٹ اتھارٹی (این ڈی ایم اے) دے نیشنل ایمرجنسیز آپریشن سینٹر ملک دے بالائی علاقیاں اچ شدید ٹھڈ دی لہر اتے برف باری دے حوالے نال ہنگامی الرٹ جاری کر ݙتے۔ الرٹ دے مطابق جنوری دے چھیکڑ تئیں گلگت بلتستان، بالائی خیبر پختونخوا تے آزاد کشمیر اچ رات تے سویل دے ویلھے موسم ٻہوں زیادہ ٹھڈا رہݨ دا امکان اے۔ ایں …
این ڈی ایم اے دا ہنگامی الراین ڈی ایم اے دا ہنگامی الرٹ، ملک دے بالائی علاقیاں اچ شدید ٹھڈ اتے برف باری دی لہر دا امکانٹ، ملک دے بالائی علاقیاں اچ شدید ٹھڈ اتے برف باری دی لہر دا امکان
اسلام آباد۔ 15 جنوری (اے پی پی) نیشنل ڈیزاسٹر مینجمنٹ اتھارٹی (این ڈی ایم اے) دے نیشنل ایمرجنسیز آپریشن سینٹر ملک دے بالائی علاقیاں اچ شدید ٹھڈ دی لہر اتے برف باری دے حوالے نال ہنگامی الرٹ جاری کر ݙتے۔ الرٹ دے مطابق جنوری دے چھیکڑ تئیں گلگت بلتستان، بالائی خیبر پختونخوا تے آزاد کشمیر اچ رات تے سویل دے ویلھے موسم ٻہوں زیادہ ٹھڈا رہݨ دا امکان اے۔ ایں دوران بالائی علاقیاں اچ درمیانے توں شدید درجے دی برف باری دی پیش گوئی کیتی ڳئی اے جیندے نتیجے اچ رابطہ سڑکاں بند، ٹرانسپورٹ دا نظام درہم برہم تے بجلی دی فراہمی متاثر تھی سڳدی اے۔ پہاڑی علاقیاں اچ برفانی تودے ڈھہݨ تے سڑکاں تے شدید پھسلن دے خطرے پاروں این ڈی ایم اے عوام کوں احتیاط دی اپیل کیتی اے۔ شہریاں کوں ہدایت کیتی ڳئی اے جو او گرم کپڑے استعمال کرن تے ہیٹر چلیندے ویلھے حفاظتی تدابیر اختیار کرن۔ میدانی علاقیاں اچ کورا یا پالا پوݨ دا خدشہ اے جیندے نال فصلاں کوں نقصان تھی سڳدے۔ سیاحاں کوں مشورہ ݙتا ڳئے جو او پہاڑی علاقیاں اچ غیر ضروری سفر توں پرہیز کرن اتے سڑکاں تے ٹائر کھڑاوݨ کیتے زنجیر (Chain) دا استعمال لازمی کرن۔ تمام صوبائی تے ضلعی اداریاں کوں برف ہٹاوݨ آلی مشینری تیار رکھݨ دی ہدایت کیتی ڳئی اے۔
