وزیراعظم شہباز شریف وفاقی دارالحکومت دے شہریاں کوں آسان، شفاف تے تیز ترین خدمات دی فراہمی کیتے “پاکستان آسان خدمت مرکز” دا افتتاح کیتا

اسلام آباد۔ 15 جنوری (اے پی پی) وزیراعظم محمد شہباز شریف وفاقی دارالحکومت دے شہریاں کوں آسان، شفاف تے تیز ترین خدمات دی فراہمی کیتے “پاکستان آسان خدمت مرکز” دا افتتاح کر ݙتے۔ خمیس کوں افتتاحی تقریب نال خطاب اچ انھاں آکھیا جو ایں مرکز نال عوام کوں بے پناہ آسانیاں تے مختلف محکمیاں نال متعلق خدمات فراہم کیتی ویسن ۔ جدید ٹیکنالوجی آذربائیجان ولوں اساݙے کیتے تحفہ اے، آذربائیجان دے صدر الہام علیوف دے غیر معمولی تعاون تے انھاں دے شکر گزار ہئیں۔ اینجھے ای مراکز آزاد جموں و کشمیر تے گلگت بلتستان اچ وی قائم کیتے ویسن۔ ایں موقع تے وفاقی وزیر انفارمیشن ٹیکنالوجی شزہ فاطمہ خواجہ، وفاقی وزیر اقتصادی امور احد خان چیمہ، وفاقی وزیر اطلاعات و نشریات عطا اللہ تارڑ، وفاقی وزیر تجارت جام کمال خان، چیف کمشنر اسلام آباد محمد علی رندھاوا، آئی جی اسلام آباد علی ناصر رضوی تے ٻئے حکام وی موجود ہن۔ وزیراعظم آکھیا جو آذربائیجان دے دورے دے دوران باکو اچ خدمت مرکز ݙیکھ تے ایہ فیصلہ کیتا ہئی جو ایں طرز دے ادارے اسلام آباد تے ٻئے شہراں اچ وی بݨائے ویسن ۔ انھاں آکھیا جو ایں مرکز کیتے ماسٹر ٹرینرز آذربائیجان توں تربیت حاصل کیتی اے، اے ٹرینرز اخلاق تے احترام نال آپݨی ذمہ داریاں ادا کرن۔ آسان خدمت مرکز اچ نادرا، ایکسائز، سی ڈی اے، سوئی گیس تے ٻئے محکمیاں دی سہولیات ہکی چھت تلے میسر ہوسن۔ وفاقی وزیر شزہ فاطمہ خواجہ آکھیا جو اے عوامی خدمات دے نظام اچ ہک انقلابی قدم اے جیندے نال شہری تے حکومت دا تعلق ٻیا مضبوط تھیسی۔