اسلام آباد۔ 15 جنوری (اے پی پی) نائب وزیراعظم اتے وزیر خارجہ سینیٹر محمد اسحاق ڈار خمیس کوں اسلام آباد اچ کمیونسٹ پارٹی آف چائنا دے بین الاقوامی شعبے دی نائب وزیر سن ہائیان نال ملاقات کیتی۔ وزارتِ خارجہ توں جاری بیان دے مطابق ݙوہاں فریقین ݙو پاسہ تعلقات، علاقائی صورتحال تے آپسی دلچسپی دے ٻیاں معاملیاں تے ڳالھ کیتی۔ نائب وزیراعظم اتے وزیر خارجہ محمد اسحاق ڈار پاکستان تے …
نائب وزیراعظم محمد اسحاق ڈار دی کمیونسٹ پارٹی آف چائنا دے بین الاقوامی شعبے دی نائب وزیر سن ہائیان نال ملاقات
اسلام آباد۔ 15 جنوری (اے پی پی) نائب وزیراعظم اتے وزیر خارجہ سینیٹر محمد اسحاق ڈار خمیس کوں اسلام آباد اچ کمیونسٹ پارٹی آف چائنا دے بین الاقوامی شعبے دی نائب وزیر سن ہائیان نال ملاقات کیتی۔ وزارتِ خارجہ توں جاری بیان دے مطابق ݙوہاں فریقین ݙو پاسہ تعلقات، علاقائی صورتحال تے آپسی دلچسپی دے ٻیاں معاملیاں تے ڳالھ کیتی۔ نائب وزیراعظم اتے وزیر خارجہ محمد اسحاق ڈار پاکستان تے چین دے درمیان دوستی دے مضبوط رشتے کوں گہرا کرݨ اچ کمیونسٹ پارٹی آف چائنا دے کردار کوں سراہیا۔ نائب وزیراعظم محمد اسحاق ڈار تے چینی وزیر خارجہ وانگ یی ولوں ایں مہینے چین اچ پاکستان-چین سفارتی تعلقات دے قیام دی 75 ویں سالگرہ دی تقریبات دے آغاز دا خیرمقدم کریندیں ہوئیں ݙوہیں پاسوں ایں تاریخی سنگ میل کوں پورے سال یادگاری تقریبات دے ذریعے مناوݨ دے عزم دا اظہار کیتا ڳیا۔ فریقین اعلیٰ سطحی تبادلیاں دی رفتار برقرار رکھݨ، جماعتی سطح تے تعاون کوں ٻیا مضبوط بݨاوݨ تے ݙو پاسہ تعلقات کوں فروغ ݙیوݨ تے اتفاق کیتا۔ ملاقات اچ ثقافتی تعاون دے فروغ تے عوامی سطح تے رابطیاں کوں وسعت ݙیوݨ دی اہمیت تے وی زور ݙتا ڳیا جیندے اچ تعلیمی رابطے تے نینگراں دا تبادلہ شامل اے تانجو باہمی افہام و تفہیم ٻئی گہری تھی سڳے۔
