بحرین نال اقتصادی تعاون، سرمایہ کاری، شراکت داری اتے ادارہ جاتی روابط ودھاوݨ چاہندے ہیں، صدرِ آصف علی زرداری دا بحرین اکنامک ڈویلپمنٹ بورڈ دے استقبالیہ نال خطاب

منامہ۔ 15 جنوری(اے پی پی صدرِ مملکت آصف علی زرداری آکھیے جو بحرین نال اقتصادی تعاون، سرمایہ کاری، شراکت داری اتے ادارہ جاتی روابط ودھاوݨ چاہندے ہیں، بحرین دی سرمایہ کار دوست معیشت کامیابی نال بدلدے عالمی ماحول اچ ہک قابلِ تقلید مثال اے۔ پاکستان اتے بحرین وچال مختلف شعبیاں اچ تعاون ٻیا ودھاوݨ دے ودھ مواقع ہین۔ اے قآلھ انہاں بحرین دے اکنامک ڈویلپمنٹ بورڈ دے استقبالیہ نال خطاب اچ آکھی۔ صدرِ مملکت بحرین دے فرماںروا شاہ حمد بن عیسیٰ الخلیفہ اتے ولی عہد و وزیراعظم شہزادہ سلمان بن حمد الخلیفہ دی مہمان نوازی اتے شاہ حمد بن عیسیٰ الخلیفہ ولوں “شیخ عیسیٰ ایوارڈ” ݙتے ونڄݨ تے شکریہ ادا کیتا اتے ایکوں ݙوہاں ملکاں وچال گھاٹے ݙو طرفہ تعلقات اتے باہمی احترام دی عکاسی قرار ݙتا۔ انھاں اکنامک ڈویلپمنٹ بورڈ دے واضح سٹریٹجک وژن اتے ادارہ جاتی مضبوطی کوں سراہندے ہوئیں آکھیا جو بحرین دی سرمایہ کار دوست معیشت ہک مثال اے۔ جݙݨ بحرین دے وزیرِ خزانہ اقتصادی ترقی ولوں بریفنگ تے صدرِ مملکت منامہ دو اشارہ کریندے آکھیا جو ترقی ساکوں واضح طور تے ݙسدی پئی اے، اکنامک ڈویلپمنٹ بورڈ بحرین دی اقتصادی حکمتِ عملی بݨاوݨ، غیر ملکی سرمایہ کاری ودھاوݨ اتے اہم شعبیاں اچ تنوع دے عمل اچ مرکزی کردار ادا کریندا پئے۔ انھاں آکھیا جو سرکاری اداریاں اتے نجی شعبے نال قریبی رابطے پاروں بحرین سرمایہ کاراں کیتے ہک قابلِ اعتماد اتے سازگار ماحول پیدا کیتے۔ انھاں آکھیا جو پاکستان بحرین دے ترقیاتی سفر کوں قدر نال ݙیھدے اتے ݙوہاں ملکاں اچ مضبوط ہم آہنگی پاتی ویندی اے۔ انھاں پاکستان اچ جاری اقتصادی اصلاحات دا ݙسیندے آکھیا جو ملک دی معیشت ترقی دی راہ تے اے۔ انھاں سپیشل انویسٹمنٹ فسیلیٹیشن کونسل (SIFC) کوں سرمایہ کاراں کیتے ہک مربوط پلیٹ فارم قرار ݙتا جیندے تحت زراعت، آئی ٹی، توانائی، معدنیات، لاجسٹکس اتے سیاحت تے توجہ ودھائی ڳئی اے۔ صدر زرداری علاقائی سلامتی دے چیلنجز دا ݙسیندے آکھیا جو انتہا پسندی دے خلاف موثر اقدامات، داخلی سلامتی دے استحکام اتے ہمسایہ ملکاں نال پرامن تعلقات ودھاوݨ کیتے پرعزم ہئیں۔ انھاں سرمایہ کاری دے تحفظ اتے باہمی مفاد تے مبنی شراکت داریاں دے فروغ کیتے پاکستان دے عزم دا اعادہ کیتا۔