اسلام آباد۔ 16 جنوری (اے پی پی) قائم مقام صدر سید یوسف رضا گیلانی نال حافظ حسین احمد مدنی تے نوابزادہ سردار رفیق عباسی ایوانِ صدر اچ انج انج ملاقاتاں کیتی۔ ایوانِ صدر دے میڈیا ونگ توں جاری بیان دے مطابق ملاقاتاں دے دوران جنوبی پنجاب نال متعلق معاملیاں تے ڳالھ مہاڑ کیتی ڳئی، جیندے اچ خاص طور تے خطے دی ضرورتاں تے ترجیحات تے توجہ رکھی ڳئی۔ قائم مقام …
جنوبی پنجاب دی ترقی تے خوشحالی پاکستان دی مجموعی ترقی کیتے ضروری اے، قائم مقام صدر سید یوسف رضا گیلانی
اسلام آباد۔ 16 جنوری (اے پی پی) قائم مقام صدر سید یوسف رضا گیلانی نال حافظ حسین احمد مدنی تے نوابزادہ سردار رفیق عباسی ایوانِ صدر اچ انج انج ملاقاتاں کیتی۔ ایوانِ صدر دے میڈیا ونگ توں جاری بیان دے مطابق ملاقاتاں دے دوران جنوبی پنجاب نال متعلق معاملیاں تے ڳالھ مہاڑ کیتی ڳئی، جیندے اچ خاص طور تے خطے دی ضرورتاں تے ترجیحات تے توجہ رکھی ڳئی۔ قائم مقام صدر جنوبی پنجاب دی ترقی، خوشحالی تے اتھاں دے عوام دی فلاح و بہبود کیتے آپݨے دیرینہ عزم دا اعادہ کیتا۔ ملاقات کرݨ آلیاں سید یوسف رضا گیلانی دی پاکستان بالخصوص جنوبی پنجاب کیتے خدمات کوں سراہیا۔ انھاں اڄوکے سیلاب دے دوران انھاں دے بروقت تے موثر عوامی خدمت دے اقدامات کوں خراجِ تحسین پیش کیتا۔ ایں موقع تے قائم مقام صدر آکھیا جو جنوبی پنجاب انھاں دے دل دے ٻہوں قریب اے۔ انھاں آکھیا جو جنوبی پنجاب دی ترقی تے خوشحالی پاکستان دی مجموعی ترقی کیتے ضروری اے۔
