پنجاب ایجوکیشن، کریکلم، ٹریننگ اینڈ اسسٹمنٹ اتھارٹی (پیکٹا) ولوں پورے صوبے دے تعلیمی اداریاں وچ اعلیٰ ثانوی سطح تے سرائیکی زبان و ادب دی تدریس کیتے ٻارہویں جماعت دی سرائیکی ٹیکسٹ بک شائع تھی ڳئی ہے

اسلام آباد۔ 17 جنوری (اے پی پی) پنجاب ایجوکیشن، کریکلم، ٹریننگ اینڈ اسسٹمنٹ اتھارٹی (پیکٹا) ولوں پورے صوبے دے تعلیمی اداریاں وچ اعلیٰ ثانوی سطح تے سرائیکی زبان و ادب دی تدریس کیتے ٻارہویں جماعت دی سرائیکی ٹیکسٹ بک شائع تھی ڳئی ہے .ایں اہم پراجیکٹ وچ بحیثیت مصنف اپݨی شمولیت تے خوشی تو ں زیادہ اعزاز دی ڳالھ اےہے جو سرائیکی وسیب دے تاریخی، تہذیبی، لسانی اَتے ادبی حوالے نال مرکز سمجھے ونڄݨ آلے ملتان تے مضمون لکھݨ دی سعادت میݙے حصے وچ آئی ہے۔ . پیکٹا دے اکیڈمک ونگ دے افسر عامر ریاض ، ڈاکٹر سہیل سرور تے ایندے نال بالخصوص ساݙے وسیب دی نمائندگی کرݨ آلے ماہرِ مضمون ڈاکٹر جمیل الرحمن  جنھاں بھرپور راہنمائی تے معاونت کیتی تے وسیب دی ایں خدمت گزاری وچ  میݙے حصے کوں شمولیت دا اعزاز بخشے. ملتان دی تاریخی، جغرافیائی، ثقافتی سُنڄاݨ کوں ایں مضمون وچ نمایاں کرݨ دے نال نال عہدِ حاضر دے تقاضیاں کنوں  جُڑی ہوئیاں کجھ ڳالھیں وی ایندے وچ شامل تھی سڳین۔ مضمون دا آخری حصہ ساݙے ایں پراݨے شہر کوں درپیش نویں مسائل دِر اشاریاں تے مبنی ہے تے آوݨ آلی نسلاں تئیں ہک سنیہا وی پڄاوݨ دی کوشش کیتی ڳئی ہے۔ ایں توں پہلے یارہویں جماعت دی اُردو دی کتاب وچ وی میکوں بحیثیت نمائندہ مؤلف پیکٹا دے نال کم کرݨ دا  موقع ملاتے انہاں دوستاں دی راہنمائی تے علمی و انتظامی معاونت دی وجہ توں اوہ اہم کم مکمل تھیا۔

ڈاکٹر سعدیہ کمال