وزیراعظم شہباز شریف دا فائر فائٹر فرقان علی دی شہادت تے افسوس

اسلام آباد۔ 18 جنوری (اے پی پی) وزیراعظم محمد شہباز شریف کراچی دے گل پلازہ اچ لڳی بھاہ وسماوݨ دے دوران امدادی کارروائیاں اچ شہید تھیوݨ آلے فائر فائٹر فرقان علی دی شہادت تے افسوس کیتے۔ اتوار کوں جاری ہک بیان اچ وزیراعظم آکھیا جو فرقان علی عوام دی جاناں بچیندے ہوئیں آپݨی جان دا نذرانہ پیش کیتے۔ انھاں آکھیا جو اساں غم دی ایں گھڑی اچ فرقان علی دے خاندان دے نال کھڑوں۔ وزیراعظم حادثے اچ فوت تھیوݨ آلے ٻئے لوگاں دے لواحقین نال وی دلی ہمدردی دا اظہار کیتا اتے آکھیا جو معصوم لوکاں دی شہادت تے دل ٻہوں اداس اے۔