سپیکر قومی اسمبلی دی قیادت اچ پارلیمانی وفد 19 جنوری توں چین دا 3 ݙینہوار دورہ کریسی

اسلام آباد۔ 19 جنوری (اے پی پی) سپیکر قومی اسمبلی سردار ایاز صادق دی قیادت اچ ہک پارلیمانی وفد 19 توں 21 جنوری تئیں چین دا ترائے ݙینہوار دورہ کریسی۔ اے دورہ چین دی نیشنل پیپلز کانگریس (NPC) دے چیئرمین ژاؤ لیجی دی خاص دعوت تے کیتا ویندا پئے۔ ترجمان دے مطابق 2026 اچ اے چین دا پہلا سرکاری دورہ اے جیہڑا پاکستان تے چین دے سفارتی تعلقات دے 75 سال پورے تھیوݨ دے موقع تے تھیندا پئے۔ وفد چینی قیادت نال ملاقاتاں کریسی جیندے اچ پارلیمانی تعاون تے ݙوپاسہ تعلقات کوں مضبوط بݨاوݨ تے ڳالھ مہاڑ تھیسی۔ وفد اچ رومینہ خورشید عالم، محمد نعمان، زیب جعفر تے مولانا عبدالغفور حیدری شامل ہن۔