اسلام آباد۔ 19 جنوری (اے پی پی) چیئرمین سینیٹ سید یوسف رضا گیلانی نال وفاقی وزیر برائے اطلاعات تے نشریات عطاء اللہ تارڑ ملاقات کیتی ۔ ایں موقع تے سیکرٹری اطلاعات اشفاق احمد خلیل تے پرنسپل انفارمیشن آفیسر (پی آئی او) مبشر حسن وی موجود ہن۔ سینیٹ سیکرٹریٹ ولوں جاری بیان دے مطابق ملاقات چیئرمین سینیٹ دی سرکاری رہائش گاہ تے تھئی۔ وفاقی وزیر اطلاعات تے نشریات عطاء اللہ تارڑ …
چیئرمین سینیٹ سید یوسف رضا گیلانی نال وفاقی وزیر اطلاعات تے نشریات عطاء اللہ تارڑ دی ملاقات، بین الپارلیمانی سپیکرز کانفرنس دی ڈیجیٹل البم پیش کیتی
اسلام آباد۔ 19 جنوری (اے پی پی) چیئرمین سینیٹ سید یوسف رضا گیلانی نال وفاقی وزیر برائے اطلاعات تے نشریات عطاء اللہ تارڑ ملاقات کیتی ۔ ایں موقع تے سیکرٹری اطلاعات اشفاق احمد خلیل تے پرنسپل انفارمیشن آفیسر (پی آئی او) مبشر حسن وی موجود ہن۔ سینیٹ سیکرٹریٹ ولوں جاری بیان دے مطابق ملاقات چیئرمین سینیٹ دی سرکاری رہائش گاہ تے تھئی۔ وفاقی وزیر اطلاعات تے نشریات عطاء اللہ تارڑ اسلام آباد اچ تھیوݨ آلی بین الپارلیمانی سپیکرز کانفرنس (آئی ایس سی) دی ڈیجیٹل البم چیئرمین سینیٹ کوں پیش کیتی جیندے اچ کانفرنس دے اہم لمحیاں، عالمی سطح تے شرکت کرݨ آلے معزز سپیکرز تے پارلیمنٹیرینز، سیشنز تے ٻیاں سرگرمیاں کوں محفوظ کیتا ڳئے۔ چیئرمین سینیٹ سید یوسف رضا گیلانی کانفرنس دی شاندار میڈیا کوریج تے موثر تشہیر تے وفاقی وزیر اطلاعات تے نشریات تے انھاں دی پوری ٹیم دا شکریہ ادا کیتا۔ سید یوسف رضا گیلانی وزارتِ اطلاعات و نشریات دی معاونت تے پیشہ ورانہ کوششاں کوں سراہندے ہوئیں آکھیا جو اسلام آباد اچ تھیوݨ آلی بین الپارلیمانی سپیکرز کانفرنس دی میزبانی سینیٹ آف پاکستان کیتی جڈانجو ایندی قیادت خود چیئرمین سینیٹ کیتی۔ وفاقی وزیر اطلاعات و نشریات عطاء اللہ تارڑ آکھیا جو سپیکرز کانفرنس دے کامیاب انعقاد نال عالمی سطح تے پاکستان دا مثبت تشخص اجاگر تھئے ۔
