اسحاق ڈار تے سعودی وزیر خارجہ شہزادہ فیصل بن فرحان وچال ٹیلی فونک رابطہ، علاقائی صورتحال تے ڳالھ مہاڑ

اسلام آباد۔ 19 جنوری (اے پی پی) نائب وزیراعظم اتے وزیرِ خارجہ سینیٹر محمد اسحاق ڈار سعودی عرب دے وزیرِ خارجہ شہزادہ فیصل بن فرحان نال ٹیلی فون تے ڳالھ مہاڑ کیتی ۔ دفترِ خارجہ دے مطابق ڳالھ مہاڑ اچ علاقائی صورتحال تے ݙوپاسہ تعاون کوں مزید ودھاوݨ دے امکانات تے ڳالھ کیتی ڳئی۔ ݙوہیں رہنماواں عالمی اقتصادی فورم دے موقع تے ڈیووس اچ ملاقات دے دوران ڳالھ مہاڑ جاری رکھݨ تے اتفاق کیتا۔