حیدرآباد۔ 20 جنوری (اے پی پی) وفاقی وزیر برائے قومی ورثہ و ثقافت اورنگزیب خان کھچی آکھیے جو سندھ میوزیم سندھ دی بہتر تصویر اتے ثقافت کوں اجاگر کریندے، وفاقی حکومت سندھ حکومت نال رل تے سندھی ثقافت ودھاوݨ کیتے ودھ کوششاں کریندی پئی اے اتے آندے ݙینہاں اچ اتھاں مزید نویاں گیلریاں ٻݨایاں ویسن تاں جو تاریخ کوں بہتر انداز اچ پیش کیتا ونڄ سڳے۔ اے ڳالھ انہاں حیدرآباد …
وفاقی حکومت سندھ حکومت نال رل تے سندھی ثقافت ودھاوݨ کیتے ودھ کوششاں کریندی پئی اے، اورنگزیب خان کھچی
حیدرآباد۔ 20 جنوری (اے پی پی) وفاقی وزیر برائے قومی ورثہ و ثقافت اورنگزیب خان کھچی آکھیے جو سندھ میوزیم سندھ دی بہتر تصویر اتے ثقافت کوں اجاگر کریندے، وفاقی حکومت سندھ حکومت نال رل تے سندھی ثقافت ودھاوݨ کیتے ودھ کوششاں کریندی پئی اے اتے آندے ݙینہاں اچ اتھاں مزید نویاں گیلریاں ٻݨایاں ویسن تاں جو تاریخ کوں بہتر انداز اچ پیش کیتا ونڄ سڳے۔ اے ڳالھ انہاں حیدرآباد اچ سندھ میوزیم حیدرآباد دے دورے ویلھے “اے پی پی” نال ڳالھ مہاڑ کریندے آکھی۔ وفاقی وزیر آکھیا جو اساݙی خواہش اے جو میوزیم اچ مزید بہتری آوے۔ ایں موقع تے انھاں کوں ثقافتی شئیں بارے بریفنگ وی ݙتی ڳئی۔ بعد اچ انھاں “سٹکو” (STCC) دے ورکشاپ دا معائنہ وی کیتا اتے آکھیا جو اے ادارہ سندھ دے نینگراں کیتے ٻہوں چنڳاں کم کریندا پئے۔ انھاں کوں ݙسایا ڳیا جو نینگراں اتے خاص طور تے چھوہریں کوں ہنر سکھایا ویندے اتے ول انھاں دیاں ٻݨائیاں ہوئیاں شیئواں ڈسپلے کیتیاں ویندن۔ دورہ مکمل کرݨ دے بعد او بھٹ شاہ روانہ تھی ڳئے۔
