امریکی صدر کینیڈین وزیراعظم کوں “بورڈ آف پیس” اچ شامل تھیوݨ دی دعوت واپس گھن گھدی اے

واشنگٹن۔ 23 جنوری (اے پی پی) امریکی صدر ڈونلڈ ٹرمپ کینیڈا دے وزیراعظم مارک کارنی کوں آپݨے حال اچ بݨائے ڳئے “بورڈ آف پیس” اچ شامل تھیوݨ دی دعوت واپس گھن گھدی اے۔ اردو نیوز دے مطابق امریکی صدر آپݨے سوشل میڈیا پلیٹ فارم “ٹروتھ سوشل” تے لکھے جو براہِ کرم ایں خط کوں ایں ڳالھ دی نمائندگی سمجھو جو بورڈ آف پیس کینیڈا کوں شامل کرݨ دی دعوت واپس گھندا پئے۔ مارک کارنی ایں ہفتے عالمی توجہ اوں ویلھے حاصل کیتی جݙݨ انھاں امریکی قیادت اچ بݨے عالمی نظام اچ ہک “دراڑ” دی ڳالھ کیتی۔ انھاں دی حکومت دا اے وی آکھݨ اے جو او عالمی جھیڑیاں کوں ختم کرݨ کیتے ٹرمپ دے بݨائے ہوئے ایں ادارے اچ شامل تھیوݨ کیتے کوئی رقم ادا نہ کریسی۔ کینیڈا دے وزیراعظم مارک کارنی خمیس دے ݙینہہ صدر ڈونلڈ ٹرمپ دے اوں دعوے دا سخت جواب ݙتا ہئی جیہڑا انھاں ورلڈ اکنامک فورم اچ کیتا ہئی جو کینیڈا امریکہ دی وجہ توں قائم اے۔