ویمنز ایشیاء کپ رائزنگ اسٹارز کیتے پاکستان اے سکواڈ دا اعلان

لاہور۔1 فروری(اے پی پی)پاکستان کرکٹ بورڈ (PCB) اے سی سی ویمنز ایشیاء کپ رائزنگ اسٹارز 2026 کیتے پاکستان ویمنز اے ٹیم دا اعلان کر ݙتے۔ اے ٹورنامنٹ 13 توں 22 فروری تئیں تھائی لینڈ دے شہر بنکاک اچ کھیڈیا ویسی۔ پاکستان کوں گروپ اے اچ رکھیا ڳئے جتھاں اوندا مقابلہ بھارت نال اے، متحدہ عرب امارات اتے نیپال نال وی میچ تھیسی۔ آف اسپنر امِ ہانی کوں 15 رکنی ٹیم دی کپتان بݨایا ڳئے، وحیدہ اختر اتے شوال ذوالفقار ٹیم دیاں اہم کھلاڑی ہن۔ انڈر 19 دی کپتان ایمان ناصر اتے بلے باز کومل خان کوں وی ٹیم وچ پاتا ڳئے۔ ٹیم 10 فروری کوں تھائی لینڈ روانہ تھیسی۔ پاکستان اپݨا پہلا میچ 13 فروری کوں نیپال دے خلاف کھیڈسی، ڄݙاں جو روایتی حریف بھارت نال مقابلہ 15 فروری کوں تھیسی۔