لاہور۔ 1 فروری(اے پی پی) قومی کرکٹ ٹیم دے مایہ ناز بلے باز بابر اعظم ٹی ٹونٹی انٹرنیشنل کرکٹ اچ ہک ٻیا وݙا سنگِ میل پار کر ڳھدے اتے سب توں ڈھیر نصف سنچریاں بݨاوݨ دا عالمی ریکارڈ قائم کر ݙتے۔ لاہور اچ آسٹریلیا دے خلاف کھیڈے گئے آخری میچ اچ بابر اعظم 50 رنز دی ناقابلِ شکست اننگز کھیڈی اتے اپݨے کیریئر دی 39 ویں نصف سنچری ٻݨا تے …
کوہلی دا ریکارڈ اݙ پُݙ ڳیا: بابر اعظم ٹی ٹونٹی دے بادشاہ ٻݨ گئے
مزید خبراں
لاہور۔ 1 فروری(اے پی پی) قومی کرکٹ ٹیم دے مایہ ناز بلے باز بابر اعظم ٹی ٹونٹی انٹرنیشنل کرکٹ اچ ہک ٻیا وݙا سنگِ میل پار کر ڳھدے اتے سب توں ڈھیر نصف سنچریاں بݨاوݨ دا عالمی ریکارڈ قائم کر ݙتے۔ لاہور اچ آسٹریلیا دے خلاف کھیڈے گئے آخری میچ اچ بابر اعظم 50 رنز دی ناقابلِ شکست اننگز کھیڈی اتے اپݨے کیریئر دی 39 ویں نصف سنچری ٻݨا تے بھارت دے ویرات کوہلی کوں پچھو چھوڑ ݙتے۔ بابر اعظم اے اعزاز اپݨے 139 ویں میچ اچ پورا کیتے ڄݙاں جو ویرات کوہلی 125 میچاں اچ 38 نصف سنچریاں ٻݨائن۔ یاد راہوے جو کوہلی ہݨ ٹی ٹونٹی توں ریٹائر تھی چکین۔ ایں فہرست اچ روہت شرما 37 نصف سنچریاں نال تریجھے، پاکستان دے محمد رضوان 31 نال چوتھے تے ڈیوڈ وارنر 29 نال پنجویں نمبر تے ہن۔ بابر اعظم ٹی ٹونٹی انٹرنیشنل اچ سب توں ڈھیر (4505) رنز بݨاوݨ والے کھلاڑی وی ہن۔ اُمید اے جو انھاں دی اے شاندار فارم برقرار رہسی اتے پاکستان دا ناں مزید روشن تھیسی۔
