ابھردیاں منڈیاں اتے ترقی پذیر معیشتاں کوں عالمی اقتصادی نظام سانڳے اہم کردار نبھاوݨا چاہیدے، وزیر خزانہ دا سعودی پریس ایجنسی کوں انٹرویو

اسلام آباد۔12 فروری(اے پی پی)وفاقی وزیر خزانہ و محصولات سینیٹر محمد اورنگزیب آکھیے جو عالمی ترقی اتے مجموعی قومی پیداوار اچ ودھدے ہوئے حصے دی مناسب عکاسی کیتے ابھردیاں منڈیاں اتے ترقی پذیر معیشتاں کوں عالمی اقتصادی نظام سانڳے اہم کردار نبھاوݨا چاہیدے۔ انہاں اے ڳالھ سعودی پریس ایجنسی (SPA) کوں ݙتے گئے انٹرویو اچ آکھی جیڑھا انہاں ابھردیاں ہوئیاں منڈیاں دی معیشتاں بارے “العُلا کانفرنس” دے ݙوجھے ایڈیشن اچ شرکت اچ ݙتے۔ وزیر خزانہ آکھیے جو تیزی نال پیچیدہ تھیندے عالمی ماحول اچ اجتماعی ڳالھ مہاڑ اتے مربوط پالیسی اقدامات دی اہمیت پہلے توں ودھ گئی اے۔ کانفرنس دی میزبانی تے سعودی عرب دا شکریہ ادا کریندے ہوئیں انہاں آکھیے جو اے فورم ایں ویلے تھئے جݙاں جغرافیائی سیاسی کشیدگی اچ ودھارا، تجارتی تقسیم اتے بالخصوص مصنوعی ذہانت (AI) دے شعبے اچ تیز رفتار تکنیکی تبدیلیاں عالمی منظرنامے کوں متاثر کریندیاں پئن۔ اے پلیٹ فارم وزرائے خزانہ اتے مرکزی بینکاں دے گورنرز کیتے ہک ویلھے سر موقع ݙیندے جو او انھاں حالات اچ آپݨے خیالات اتے تجربات دا تبادلہ کر سکن۔ وزیر خزانہ آکھیے جو کانفرنس دے پہلے ایڈیشن دے بعد عالمی منظرنامے اچ نمایاں تبدیلیاں آ چکین جیڑھیاں، اینڄھے فورم ابھردیاں ہوئیاں معیشتاں کوں ایں قابل ٻݨیندن جو او آپݨے تجربات توں سکھن، حکمتِ عملیاں اچ ہم آہنگی پیدا کرن اتے عالمی معاشی چیلنجز نال نمٹݨ کیتے باہمی تعاون کوں مضبوط کرن۔ انہاں آکھیا جو العُلا کانفرنس دے نتائج ابھردیاں ہوئیاں معیشتاں وچال ہم آہنگی تکڑی کریسن اتے ہک ودھ جامع اتے مستحکم عالمی اقتصادی نظام ݙیوݨ کتیے کردار ادا کریسن۔