کولمبو۔ 14 فروری (اے پی پی) ٹی ٹونٹی ورلڈ کپ دے کولمبو اچ اتوار کوں تھیوݨ آلے پاک بھارت مقابلے دے موقع تے مینہ وسݨ دے خدشے منڈلاوݨ پئے گئن۔ خلیجِ بنگال اچ ہوا دے گھٹ دباؤ پاروں محکمہ موسمیات اتوار دے ڈینہہ شام دے ویلھے ڳاڄ کھمݨ نال بارش دی پیش گوئی کیتی اے جیندے توں میچ متاثر تھیوݨ دا خدشہ پیدا تھی گئے۔ اے اہم مقابلہ آر پریماداسا …
ٹی ٹونٹی ورلڈ کپ، کولمبو اچ اتوار کوں تھیوݨ آلے پاک بھارت مقابلے دے موقع تے مینہ وسݨ دا امکان
مزید خبراں
کولمبو۔ 14 فروری (اے پی پی) ٹی ٹونٹی ورلڈ کپ دے کولمبو اچ اتوار کوں تھیوݨ آلے پاک بھارت مقابلے دے موقع تے مینہ وسݨ دے خدشے منڈلاوݨ پئے گئن۔ خلیجِ بنگال اچ ہوا دے گھٹ دباؤ پاروں محکمہ موسمیات اتوار دے ڈینہہ شام دے ویلھے ڳاڄ کھمݨ نال بارش دی پیش گوئی کیتی اے جیندے توں میچ متاثر تھیوݨ دا خدشہ پیدا تھی گئے۔ اے اہم مقابلہ آر پریماداسا سٹیڈیم اچ تھیوݨا اے، جیہڑا مقامی وقت دے مطابق شام ست وجے شروع تھیسی۔ ڈینہہ دے آغاز تے موسم گرم رہݨ دا امکان اے پر ݙوپہر دے بعد بارش دا امکان 50 توں 70 فیصد تئیں ڈسایا ویندے۔ جے بارش پاروں میچ مکمل نہ تھی سڳیا تاں ڈوہیں ٹیماں کوں ہک ہک پوائنٹ ملسی کیونجو ابتدائی مرحلے دے میچاں کیتے کوئی اضافی ڈینہہ (ریزرو ڈے) کائنی۔
