زرمبادلہ دے ذخائر 19 ملین ڈالر ودھارے نال مجموعی طور تے 21.30 ارب ڈالر تھی ڳئن، سٹیٹ بینک

اسلام آباد۔ 19 فروری(اے پی پی) زرمبادلہ دے ذخائر 19 ملین ڈالر اضافے دے بعد مجموعی طور تے 21.30 ارب ڈالر تھی ڳئن۔ سٹیٹ بینک ولوں جاری اعداد و شمار دے مطابق 13 فروری 2026ء کوں مکݨ والے ہفتے اچ سٹیٹ بینک کولو 16.19 ارب ڈالر اتے کمرشل بینکاں کولو 5.10 ارب ڈالر ہن۔ ایں ہفتے دے دوران سٹیٹ بینک دے ذخائر اچ 19 ملین ڈالر دا اضافہ تھئے جیندے بعد زرمبادلہ دے ذخائر مجموعی طور تے 21.30 ارب ڈالر تھی ڳئن۔