پاکستان تے نیوزی لینڈ وچال اہم میچ بارش دی وجہ توں منسوخ تھیوݨ دے بعد گروپ اچ ہر مقابلہ بہت اہم تھی ڳئے

کولمبو۔ 22 فروری (اے پی پی) کولمبو اچ آئی سی سی مینز ٹی ٹوئنٹی ورلڈ کپ دے سپر ایٹ مرحلے اچ پاکستان تے نیوزی لینڈ وچال اہم میچ بارش دی وجہ توں منسوخ تھیوݨ دے بعد گروپ اچ ہر مقابلہ بہت زیادہ اہمیت اختیار کر ڳئے۔ سپر ایٹ مرحلے اچ پاکستان گروپ 2 اچ سری لنکا، انگلینڈ تے نیوزی لینڈ دے نال شامل اے اتے ہݨ ایندے ݙو میچ باقی ہن ۔ پاکستان 24 فروری کوں انگلینڈ دے خلاف میدان اچ لہسی جڈانجو چھیکڑی میچ میزبان سری لنکا دے خلاف کھیڈسی۔ بارش دی وجہ توں میچ منسوخ تھیوݨ تے ہک ہک پوائنٹ ملݨ دے بعد پاکستان تے نیوزی لینڈ کیتے ہݨ ہر میچ عملی طور تے ناک آؤٹ بݨ ڳئے۔ اگر گرین شرٹس نیٹ رن ریٹ دے بغیر سیمی فائنل اچ ون٘ڄݨ چاہندن تاں انھاں کوں آپݨے باقی ݙوہیں میچ جیتݨے ہوسن ۔ ݙوہیں فتوحات دی صورت اچ پاکستان دے پوائنٹس پنج تھی ویسن تے سیمی فائنل اچ رسائی پکی تھی ویسی۔