نظم و ضبط، ادارہ جاتی رٹ تے سرکاری کماں دی بلا تعطل انجام دہی تے کوئی سمجھوتہ نہ تھیسی، پاکستان سپورٹس بورڈ

اسلام آباد۔ 26 فروری (اے پی پی) پاکستان سپورٹس بورڈ (پی ایس بی) واضح کیتے جو نظم و ضبط، ادارہ جاتی رٹ تے سرکاری کماں دی بلا تعطل انجام دہی تے کوئی سمجھوتہ نہ تھیسی ، سارے افسر تے اہلکار پاکستان سپورٹس بورڈ سروس رولز 2000 تے سختی نال عمل کرݨ دے پابند ہن ۔ جاری پریس ریلیز موجب پی ایس بی اے واضح کیتے جو غیر قانونی سرگرمیاں، بدانتظامی، سرکاری کم وچ خلل، حکومتی کماں وچ رکاوٹ یا نظم و ضبط دی خلاف ورزی وچ ملوث لوکاں دی نشاندہی کر ڳھدی ڳئی اے تے انھاں دے خلاف پاکستان سپورٹس بورڈ سروس رولز 2000 دے تحت سخت کارروائی کیتی تھیسی۔ محکمانہ کارروائی شروع کیتی ویسی تے لوڑھ تے قنون موجب وݙیاں سزاواں بشمول نوکری توں برخاستگی وی ݙتی ونڄ سڳدی اے۔ مزید اے جو ادارے تے ایندے افسراں دے خلاف کوڑی، گمراہ کن تے بے عزتی آلی معلومات کھنڈاوݨ دے معاملیں کوں قنون موجب نیشنل سائبر کرائم ایجنسی کوں بھیڄیا ویندا پئے ۔ پاکستان سپورٹس بورڈ نظم و ضبط دے نفاذ، ادارہ جاتی سالمیت دے تحفظ تے سرکاری کماں دے تسلسل کیتے پرعزم اے۔