دفاع دا حق حاصل اے، مزاحمت جاری رکھیسوں، ایرانی وزیر خارجہ

تہران۔ 2 مارچ (اے پی پی) ایران آکھیا جو اونکوں آپݨے دفاع دا پورا حق حاصل اے اتے لڑائی جاری رہسی۔ شنہوا دے مطابق اے ڳالھ ایران دے وزیر خارجہ سید عباس عراقچی امریکی نشریاتی ادارے (اے بی سی نیوز) نال ڳالھ مہاڑ دے دوران آکھی۔ انھاں آکھیا جو ایران کوں امریکا تے اسرائیل ولوں جاری وݙے پیمانے دے فضائی حملیاں دے خلاف آپݨے دفاع کرݨ دا مکمل حق حاصل اے اتے او مزاحمت جاری رکھیسی۔ انھاں دا آکھݨ ہا جو کہیں وی ملک دے رہنما کوں اے حق کائنی جو او ایران کوں جوابی کارروائی توں باز رہݨ دا آکھیے، اساں آپݨے دفاع کریندے پئیوں اتے اساکوں آپݨے عوام دے تحفظ کیتے ہر ممکن اقدام دا حق حاصل اے۔