پاکستان کرکٹ بورڈ بنگلہ دیش اچ کھیݙی ونڄݨ آلی ترائے میچاں دی ون ڈے انٹرنیشنل سیریز کیتے 15 رکنی سکواڈ دا اعلان کر ݙتا

لاہور۔ 4 مارچ (اے پی پی) پاکستان کرکٹ بورڈ بنگلہ دیش اچ کھیݙی ونڄݨ آلی ترائے میچاں دی ون ڈے انٹرنیشنل سیریز کیتے 15 رکنی سکواڈ دا اعلان کر ݙتے۔ سیریز 11 توں 15 مارچ تئیں ڈھاکہ اچ کھیݙی ویسے اتے ترائے میچ شیرِ بنگلہ نیشنل کرکٹ سٹیڈیم اچ تھیسن۔ کھٻے ہتھ دے فاسٹ بولر شاہین شاہ آفریدی ون ڈے ٹیم دی قیادت جاری رکھیسن جݙاں جو سکواڈ اچ چھی غیر کیپڈ کھڈاریاں کوں شامل کیتا ڳئے۔ غیر کیپڈ کھݙاریاں اچ عبدالصمد، معاذ صداقت، محمد غازی غوری، سعد مسعود، صاحبزادہ فرحان اتے شامل حسین شامل ہن۔ انھاں اچوں عبدالصمد، معاذ صداقت، سعد مسعود اتے شامل حسین حال ہی اچ ابوظہبی اچ انگلینڈ لائنز دے خلاف پاکستان شاہینز دی نمائندگی کیتی اے۔ اعلان کردہ 15 رکنی سکواڈ اچ شاہین شاہ آفریدی (کپتان)، عبدالصمد، ابرار احمد، فہیم اشرف، فیصل اکرم، حارث رؤف، حسین طلعت، معاذ صداقت، محمد رضوان (وکٹ کیپر)، محمد وسیم جونیئر، محمد غازی غوری (وکٹ کیپر)، سعد مسعود، صاحبزادہ فرحان، سلمان علی آغا تے شامل حسین شامل ہن۔ شیڈول دے مطابق قومی ٹیم 8 مارچ کوں بنگلہ دیش پڄسی جݙاں جو 10 مارچ کوں پریکٹس سیشن تھیسی۔ پہلا ون ڈے 11 مارچ، ݙوجھا 13 مارچ تے تریجھا تے چھیکڑی ون ڈے 15 مارچ کوں شیرِ بنگلہ نیشنل کرکٹ سٹیڈیم، ڈھاکہ اچ کھیݙیا ویسے۔