بیروت۔ 12 مارچ (اے پی پی) لبنان دے دارالحکومت بیروت دے مضافاتی علاقیاں اچ اسرائیلی فضائی حملیاں اچ 11 افراد شہید اتے 32 زخمی تھی ڳئن۔ شنہوا دے مطابق لبنان دی وزارتِ صحت خمیس کوں ݙسایا جو بیروت دے علاقے رملت البیدہ اچ ہک اسرائیلی فضائی حملے اچ 8 بندے شہید اتے 31 زخمی تھئن۔ اڄوکی کشیدگی دے دوران بیروت تے اے تریجھا اسرائیلی حملہ اے۔ لبنان دے سرکاری خبر …
لبنان اچ اسرائیلی فضائی حملیاں اچ 11 بندے شہید، 32 زخمی
بیروت۔ 12 مارچ (اے پی پی) لبنان دے دارالحکومت بیروت دے مضافاتی علاقیاں اچ اسرائیلی فضائی حملیاں اچ 11 افراد شہید اتے 32 زخمی تھی ڳئن۔ شنہوا دے مطابق لبنان دی وزارتِ صحت خمیس کوں ݙسایا جو بیروت دے علاقے رملت البیدہ اچ ہک اسرائیلی فضائی حملے اچ 8 بندے شہید اتے 31 زخمی تھئن۔ اڄوکی کشیدگی دے دوران بیروت تے اے تریجھا اسرائیلی حملہ اے۔ لبنان دے سرکاری خبر رساں ادارے دے مطابق حملہ ایں ویلھے تھیا جݙاں اسرائیلی ڈرونز علاقے دے اتے نچلی پروازاں کریندے پئے ہن۔ حملے اچ ہک گاݙی کوں نشانہ بݨایا ڳیا۔ اسرائیل بیروت دے جنوب مشرق اچ واقع قصبے ارامون تے وی حملے کیتے جیندے نتیجے اچ 3 بندے شہید تھئے جݙاں جو ہک ٻال زخمی تھی ڳیا۔ ایں ظلم نال خطے دی صورتحال ٻئی خراب تھیسی۔
