24 گھنٹیاں اچ 435 ایمرجنسیز اچ 826 افراد کوں ریسکیو کیتا، ریسکیو 1122 ملتان

ملتان۔ 12 مارچ (اے پی پی) ریسکیو 1122 ملتان 24 گھنٹیاں اچ ضلعے اچ 435 ایمرجنسیز اچ مجموعی طور تے 826 افراد کوں ریسکیو کیتا۔ ترجمان ریسکیو 1122 دے مطابق گزریل چووی گھنٹیاں اچ ملتان شہر اچ 407، شجاع آباد اچ 18 تے جلال پور پیر والا اچ 10 ایمرجنسیز پیش آئی جنھاں اچ ٹریفک حادثات دی تعداد 78 اے۔ ملتان شہر اچ 76 جݙاں جو شجاع آباد تے جلال پور پیر والا اچ ہک ہک ٹریفک حادثہ پیش تھیا۔ ریسکیو 1122 دی ٹیماں پورے ضلعے اچ 273 میڈیکل ایمرجنسیز اچ مریضاں کوں مختلف ہسپتالاں اچ شفٹ کیتا۔ ملتان شہر اچ 260، شجاع آباد اچ 10 تے جلال پور پیر والا اچ ترائے میڈیکل ایمرجنسیز پیش آئی۔ اٹھ بھا لڳݨ دے، پنج کرائم تے نو ݙہݨ دے واقعات پیش آئے۔ مجموعی طور تے 826 بندیاں کوں ریسکیو کیتا ڳیا جیندے نال لوکاں دی جان بچاوݨ اچ مدد ملی، اے سلسلہ اڳوں وی جاری رہسی۔