اقوام متحدہ ۔ 8 جون(اے پی پی) 2014 دے بعد توںبحیرہ روم پار کریندے ہوئیں 10ہزار تارکین وطن بڈ تے ہلاک تھی گن۔ اقوام متحدہ دے ادارہ برائے مہاجرین آکھیا جو ایں تعداد وچ اجوکے ڈینھاں وچ خطرناک ودھارا ڈیکھنڑ وچ آیا کیونجو ایں سال جنوری توں ہنڑ تئیں2814 تارکین وطن ہلاک تھئے ہن۔ یورپ وچ ڈوجھی عالمی جنگ دے بعد اے مہاجرین دا شدید ترین بحران ہے۔ یورپی کمیشن دے نائب صدر فرنز ٹیمرآکھیا جو انسانی جاناں دا ضیاع تشویشناک ہے اتے اساکوںایندے روکنڑ سانگے ہرممکن اقدامات کرنڑے پوسن۔ انہاں آکھیا جو مہاجراں دی آمد نال متاثرہ ملکاں دی امداد سانگے یورپی یونین 8 ارب ڈالر مختص کیتے ہن اتے ہنڑ تئیںہک تجویز تے غور تھیندا پے جیرھا جو نجی شعبے دی شراکت نال ایں مد وچ 68ارب ڈالر دی ودھ رقم مختص کیتی ونجے۔
