اقوام متحدہ دے سیکرٹری جنرل بان کی مون دی شام وچ سیدہ بی بی زینب دے مزارتے حملیاں دی مذمت

نیویارک ۔ 13 جون(اے پی پی) اقوام متحدہ دے سیکرٹری جنرل بان کی مون شام وچ سیدہ بی بی زینب دے مزارتے حملیاں دی شدید مذمت کیتی ہے۔نیویارک توں جاری کردہ بیان وچ اقوام متحدہ دے سیکرٹری جنرل دادارالحکومت دمشق دے مضافات وچ واقع سیدہ بی بی زینب دے مزار تے حملیاں دی مذمت کریندے ہوئیں ایکوں “انتہائی بہیمانہ” دہشت گرد حملہ قرار ڈتا ہے۔ اقوام متحدہ دے سیکرٹری جنرل آکھیا اے جو عام شہریاں تے حملیان وچ ملوث بندیاں کوں انصاف دی کچہری وچ لاتا ونجے۔واضح رہوے جوپیغمبر اسلام دی ڈوہتری سیدہ بی بی زینب دے مزار تے تھیونڑآلے ڈو دھماکیاںوچ گھٹ ودھ 12 بندے ہلاک جڈانجوودھ سارے زخمی تھئے ہن۔شام دے سرکاری ذرائع ابلاغ دے مطابق ہک خود کش حملہ آور مزار دے مرکزی گیٹ تے دھماکا کیتا اتے ایندے بعد ہک کاربمب دھماکا تھیا جیندے نال وڈے پیمانے تے تباہی تھئی۔