اسلام آباد ۔ 13 جون(اے پی پی) وفاقی وزیر تجارت انجنئیر خرم دستگیر خان آکھیا جو اقتصادی راہداری منصوبہ خطے دی معاشی تقدیر بدل ڈیسی،ایں نال نہ صرف پاکستان اتے چین فائدہ چیسن جڈانجو جنوبی ایشیاء ،افغانستان اتے وسطی ایشیاء دے ملکاں دی معیشتاں کوں وی جوڑنڑ دا باعث بنڑسی۔اے گالھ انہاں چین دے شہر کنمنگ اچ چوتھی چین جنوبی ایشیاء ایکسپو دے عالمی پیداواری صلاحیت اچ تعاون بارے فورم نال خطاب کریندیں ہوئیں آکھی۔انہاں آکھیا جو ایکسپو اچ شامل ملکاں سانگے ہک ڈوجھے دے معاشی تجربیاں توں فائدہ چانگے بہوں مثالاں موجود ہن خصوصی طور چین دی معاشی کاکردگی،جیڑھا جو گزریل چار دہائیاں توں معاشی میدان اچ نویں تریخ بنڑینڈا پئے ۔وفاقی وزیر چین دے سرمایہ کاراں کوں پاکستان اچ سانجھی منصوبہ سازی دی پیش کش کیتی اتے آکھیا جو او چین پاکستان اقتصادی راہدری نال پیش کیتی معاشی بنیاد دا بھرپور فائدہ چاون اتے سرمایہ کاری اچ پہل کرن ،پاکستان دی حکومت انہاں کوں ترجیحی سہولتاں ڈیسی۔سی پیک نال پاکستان اتے چین دے معاشی تعان دے نہاں پہلواں کوں اجاگر کرنڑ اچ مدد ملسی۔وفاقی وزیر چین دے صوبہ یونان دی کمیونسٹ پارٹی دے سیکرٹری لی جی ہینگ نال وی ملاقات کیتی۔
