اسلام آباد ۔ 13 جون(اے پی پی) صدر مملکت ممنون حسین آکھیا جو پاکستان بہترین سرمایہ کاری دوست پالیسیاں دا حامل ملک اے،سرمایہ کار انہاں پالیسیاں توں فائدہ چیندیں ہوئیں پاکستان اچ سرمایہ کاری کرن۔انہاں اے گالھ ٹیلی نار دے وفدنال گالھ مہار کریندیں ہوئیں آکھی جنہاں آپنڑے صدر اتے سی ای او سگوی بریکی دی قیادت اچ سونوار کوں ایوان صدر اچ ملاقات کیتی۔وزیرمملکت برائے انفارمیشن ٹیکنالوجی انوشہ رحمن وی ایں موقع تے موجود ہن ۔صدر آکھیا جو پاکستان انفارمیشن ٹیکنالوجی انڈسٹری ساگے ہک وڈی مارکیٹ اے ،امید اے جو ٹیلی نار گروپ عوام کوں بئی خدمات ڈیونڑ سانگے آپنڑاں نیٹ ورک ودھیسی۔ایں موقع تے ٹیلی نار گروپ دے صدر اتے سی ای او صدر مملکت ممنون حسین کوں پاکستان اچ بینکاری ،تعلیم ،صحت تے زراعت دے شعبیاں اچ ٹیلی نار ولوں پیش کیتی ونجنڑ آلے خدمات بارے ڈسایا۔انہاں آکھیا جو پاکستان ٹیلی کام انڈسٹری سانگے ہک ماڈل مارکیٹ اے۔
